ಇರಾನ್ ಮೇಲೆ ಅಮೆರಿಕ-ಇಸ್ರೇಲ್ ಜಂಟಿ ದಾಳಿ: ಸಂಕಷ್ಟಕ್ಕೊಳಗಾದ ಕೇರಳದ ವಿಮಾನ ಪ್ರಯಾಣಿಕರು

ಕೊಚ್ಚಿ: ಇರಾನ್ ಮೇಲೆ ಅಮೆರಿಕ-ಇಸ್ರೇಲ್ ಜಂಟಿ ದಾಳಿಯಿಂದ ಕೇರಳದ ವಿಮಾನ ಪ್ರಯಾಣಿಕರು ತೊಂದರೆಗೊಳಗಾಗಿದ್ದಾರೆ.

ತಿರುವನಂತಪುರಂ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ 17 ವಿಮಾನಗಳು, ಕರಿಪುರದಿಂದ 21 ವಿಮಾನಗಳು ಮತ್ತು ಕೊಚ್ಚಿಯಿಂದ 16 ವಿಮಾನಗಳನ್ನು ರದ್ದುಪಡಿಸಲಾಗಿದೆ. ಮುಂಬರುವ ಗಂಟೆಗಳಲ್ಲಿ ಹೆಚ್ಚಿನ ವಿಮಾನಗಳು ರದ್ದಾಗಬಹುದು ಎಂದು ವಿಮಾನಯಾನ ಸಂಸ್ಥೆಗಳು ಸೂಚಿಸುತ್ತಿವೆ. 

ತಿರುವನಂತಪುರಂ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಹೊರಡಬೇಕಿದ್ದ 17 ವಿಮಾನಗಳನ್ನು ಹೊರತುಪಡಿಸಿ, ಇಲ್ಲಿಗೆ ಬರಬೇಕಿದ್ದ 20 ವಿಮಾನಗಳು ಇನ್ನೂ ಬಂದಿಲ್ಲ.

ಇಂದು ರಿಯಾದ್‍ಗೆ ಕೇವಲ ಒಂದು ವಿಮಾನ ಮಾತ್ರ ಕರಿಪ್ಪೂರ್ ನಿಂದ ತೆರಳಿದೆ. ಕಳೆದ ಎರಡು ದಿನಗಳಲ್ಲಿ ಇಲ್ಲಿಂದ 32 ವಿಮಾನಗಳನ್ನು ರದ್ದುಪಡಿಸಲಾಗಿದೆ. ಕರಿಪ್ಪೂರ್ ನಲ್ಲಿ ಇಳಿಯಬೇಕಿದ್ದ 25 ವಿಮಾನಗಳನ್ನು ರದ್ದುಗೊಳಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ನೆಡುಂಬಸ್ಸೆರಿ ವಿಮಾನ ನಿಲ್ದಾಣದಿಂದ ಇಂದು ಎರಡು ವಿಮಾನಗಳು ಗಲ್ಫ್ ಪ್ರದೇಶಕ್ಕೆ ಕಾರ್ಯನಿರ್ವಹಿಸಲಿವೆ.ಓಮನ್ ಏರ್ ವಿಮಾನ ಬೆಳಿಗ್ಗೆ 8.10 ಕ್ಕೆ ಮಸ್ಕತ್‍ಗೆ ಹೊರಟಿತು. ಜೆಡ್ಡಾಗೆ ಸೌದಿ ಏರ್‍ಲೈನ್ಸ್ ವಿಮಾನ ಬೆಳಿಗ್ಗೆ 11.30 ಕ್ಕೆ ತೆರಳಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಇಂದು ಬೆಳಿಗ್ಗೆ ನೆಡುಂಬಸ್ಸೆರಿಯಿಂದ ಮಸ್ಕತ್‍ಗೆ ಹೊರಟ ವಿಮಾನ ಒಂದೂವರೆ ಗಂಟೆಯ ನಂತರ ಕೊಚ್ಚಿಗೆ ಹಿಂತಿರುಗಬೇಕಾಯಿತು. ಈ ಪ್ರಯಾಣಿಕರು ವಿಮಾನ ನಿಲ್ದಾಣದಲ್ಲಿ ಸಿಲುಕಿಕೊಂಡಿದ್ದಾರೆ. ಅವರ ಪ್ರಯಾಣದ ಬಗ್ಗೆ ಇನ್ನೂ ಅನಿಶ್ಚಿತತೆ ಇದೆ.