ಸಂಚಾರ ಆರಂಭಿಸಿದ ರಾಮೇಶ್ವರಂ-ಮಂಗಳೂರು, ತಿರುನಲ್ವೇಲಿ-ಮಂಗಳೂರು ಎಕ್ಸ್ ಪ್ರೆಸ್‍ಗಳು; ನಿಲ್ದಾಣ- ಸಮಯಗಳು ಇಲ್ಲಿವೆ

ಚೆನ್ನೈ: ತಿರುಚಿರಾಪಳ್ಳಿಯಲ್ಲಿ ನಡೆದ ಸಮಾರಂಭದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ರಾಮೇಶ್ವರಂ-ಮಂಗಳೂರು ಸೆಂಟ್ರಲ್ ಎಕ್ಸ್‍ಪ್ರೆಸ್ ಮತ್ತು ತಿರುನಲ್ವೇಲಿ-ಮಂಗಳೂರು ಜಂಕ್ಷನ್ ಎಕ್ಸ್‍ಪ್ರೆಸ್ ಸೇರಿದಂತೆ ಐದು ರೈಲುಗಳಿಗೆ ಹಸಿರು ನಿಶಾನೆ ತೋರಿದರು. 

ಮಂಗಳೂರು-ರಾಮೇಶ್ವರಂ ಸಾಪ್ತಾಹಿಕ ಎಕ್ಸ್‍ಪ್ರೆಸ್ (16622) ಶನಿವಾರದಂದು ಮತ್ತು ರಾಮೇಶ್ವರಂ-ಮಂಗಳೂರು ಎಕ್ಸ್‍ಪ್ರೆಸ್ (16621) ಭಾನುವಾರದಂದು ಕಾರ್ಯನಿರ್ವಹಿಸುತ್ತದೆ. ರೈಲು ಶನಿವಾರ ಸಂಜೆ 7.30 ಕ್ಕೆ ಮಂಗಳೂರಿನಿಂದ ಹೊರಟು ಮರುದಿನ ಬೆಳಿಗ್ಗೆ 10.50 ಕ್ಕೆ ರಾಮೇಶ್ವರಂ ತಲುಪಲಿದೆ. ರೈಲು ಭಾನುವಾರ ಮಧ್ಯಾಹ್ನ 3.30 ಕ್ಕೆ ರಾಮೇಶ್ವರಂನಿಂದ ಹೊರಟು ಮರುದಿನ ಬೆಳಿಗ್ಗೆ 6.55 ಕ್ಕೆ ಮಂಗಳೂರು ಸೆಂಟ್ರಲ್ ನಿಲ್ದಾಣ ತಲುಪಲಿದೆ.

ಇದು ರಾಮನಾಥಪುರಂ, ಪರಮಕುಡಿ, ಮನಾಮಧುರ, ಮಧುರೈ, ದಿಂಡಿಗಲ್, ಒಟ್ಟನ್‍ಛತ್ರಂ, ಪಳನಿ, ಉದುಮಲ್‍ಪೇಟೆ, ಪೆÇಲ್ಲಾಚಿ, ಪಾಲಕ್ಕಾಡ್, ಶೋರನೂರು, ತಿರೂರ್, ಕೋಝಿಕ್ಕೋಡ್, ಕಣ್ಣೂರು ಮತ್ತು ಕಾಸರಗೋಡುಗಳಲ್ಲಿ ನಿಲುಗಡೆ ಇರಲಿದೆ. ಎರಡು ಎಸಿ ಟೂ-ಟೈರ್ ಕೋಚ್‍ಗಳು, ನಾಲ್ಕು ತ್ರೀ-ಟೈರ್ ಕೋಚ್‍ಗಳು, ಆರು ಸ್ಲೀಪರ್ ಕ್ಲಾಸ್ ಕೋಚ್‍ಗಳು ಮತ್ತು ನಾಲ್ಕು ಸಾಮಾನ್ಯ ಸೆಕೆಂಡ್ ಕ್ಲಾಸ್ ಕೋಚ್‍ಗಳನ್ನು ಹೊಂದಿರುತ್ತದೆ.

ಮಂಗಳೂರು ಜಂಕ್ಷನ್ ಎಕ್ಸ್‍ಪ್ರೆಸ್ (16708) ಬುಧವಾರದಂದು ಮಧ್ಯಾಹ್ನ 3.45 ಕ್ಕೆ ತಿರುನಲ್ವೇಲಿಯಿಂದ ಹೊರಟು ಮರುದಿನ ಬೆಳಿಗ್ಗೆ 6.55 ಕ್ಕೆ ಮಂಗಳೂರನ್ನು ತಲುಪುತ್ತದೆ.

ರೈಲು (16707) ಗುರುವಾರ ಮಧ್ಯಾಹ್ನ 1 ಗಂಟೆಗೆ ಮಂಗಳೂರು ಜಂಕ್ಷನ್‍ನಿಂದ ಹೊರಟು ಮರುದಿನ ಬೆಳಿಗ್ಗೆ 7.45 ಕ್ಕೆ ತಿರುನಲ್ವೇಲಿ ತಲುಪುತ್ತದೆ. ಇದು ಕೋವಿಲ್‍ಪೆಟ್ಟಿ, ಸತ್ತೂರು, ವಿರುದುನಗರ, ಮಧುರೈ, ದಿಂಡಿಗಲ್, ಒಟ್ಟಂಚತ್ರಂ, ಪಳನಿ, ಉಡುಮಲ್‍ಪೇಟ್, ಪೆÇಲ್ಲಾಚಿ, ಕೊಲ್ಲಂಕೋಡ್, ಪಾಲಕ್ಕಾಡ್ ಟೌನ್, ಪಾಲಕ್ಕಾಡ್, ಶೋರನೂರು, ತಿರೂರ್, ಕೋಯಿಕ್ಕೋಡ್, ವಡಕರ, ತಲಶ್ಶೇರಿ, ಕಣ್ಣೂರು, ಕನ್ಹಂಗಾಡ್ ಮತ್ತು ಕಾಸರಗೋಡುಗಳಲ್ಲಿ ನಿಲ್ಲುತ್ತದೆ. ಇದು ಒಂದು ಎರಡು ಹಂತದ ಕೋಚ್, ಒಂದು ಮೂರು ಹಂತದ ಕೋಚ್, ಎರಡು ಎರಡು ಹಂತದ ಇಕಾನಮಿ ಕೋಚ್ ಗಳು, ಮೂರು ಸ್ಲೀಪರ್ ಕೋಚ್ ಗಳು ಮತ್ತು ಆರು ಸಾಮಾನ್ಯ ಎರಡನೇ ದರ್ಜೆಯ ಕೋಚ್ ಗಳನ್ನು ಹೊಂದಿರುತ್ತದೆ.