ದೇಶಿ ಹಾರಾಟ ಕಡಿತಗೊಳಿಸಲು Air India, IndiGo ನಿರ್ಧಾರ

ನವದೆಹಲಿ: ಜೂನ್ 1ರಿಂದ 90 ದಿನಗಳ ಕಾಲ ತಮ್ಮ ದೇಶಿ ಹಾರಾಟಗಳನ್ನು ಕಡಿತಗೊಳಿಸಲು ಏರ್ ಇಂಡಿಯಾ ಮತ್ತು ಇಂಡಿಗೊ ವಿಮಾನಯಾನ ಸಂಸ್ಥೆಗಳು ನಿರ್ಧರಿಸಿವೆ. ವಿಮಾನ ಇಂಧನ ದರದಲ್ಲಿ ಆಗಿರುವ ಭಾರೀ ಏರಿಕೆ ಮತ್ತು ಬೇಸಿಗೆ ಅವಧಿಯ ಬೇಡಿಕೆ ಕುಸಿತವನ್ನು ನಿಭಾಯಿಸಲು ಈ ಕ್ರಮ ತೆಗೆದುಕೊಳ್ಳಲಾಗಿದೆ ಎಂದು ಅವು ತಿಳಿಸಿವೆ.

ಈ ಎರಡು ವಿಮಾನಯಾನ ಸಂಸ್ಥೆಗಳು ಭಾರತೀಯ ವಿಮಾನಯಾನ ಮಾರುಕಟ್ಟೆಯಲ್ಲಿ 90 ಶೇಕಡ ಪಾಲು ಹೊಂದಿವೆ.

ಇರಾನ್ ವಿರುದ್ಧ ಅಮೆರಿಕ ಮತ್ತು ಇಸ್ರೇಲ್ ಯುದ್ಧ ಆರಂಭಿಸಿದ ಬಳಿಕ ವಿಮಾನಯಾನ ಉದ್ಯಮವು ಹಲವಾರು ಸಮಸ್ಯೆಗಳನ್ನು ಎದುರಿಸುತ್ತಿದೆ. ಅದೂ ಅಲ್ಲದೆ, ಶಾಲೆಗಳಿಗೆ ರಜೆ ಆರಂಭವಾದ ಹಿನ್ನೆಲೆಯಲ್ಲಿ ವಿಮಾನಯಾನದ ಬೇಡಿಕೆಯೂ ಕುಸಿದಿದೆ. ಹಾಗಾಗಿ ಯಾನಗಳ ಸಂಖ್ಯೆಯನ್ನು ಕಡಿತಗೊಳಿಸಲು ಈ ಎರಡು ವಿಮಾನಯಾನ ಸಂಸ್ಥೆಗಳು ನಿರ್ಧರಿಸಿವೆ.

ಏರ್ ಇಂಡಿಯಾ ತನ್ನ ದೇಶಿ ಹಾರಾಟಗಳ 15 ಶೇಕಡದಷ್ಟು ಮತ್ತು ಇಂಡಿಗೊ 5ರಿಂದ 7 ಶೇಕಡದಷ್ಟು ಹಾರಾಟಗಳನ್ನು ಕಡಿತಗೊಳಿಸಲಿವೆ ಎಂದು ವರದಿಗಳು ತಿಳಿಸಿವೆ.