ಶಾಲಾ ಪ್ರವೇಶೋತ್ಸವ ಸಮಾರಂಭದಲ್ಲಿ ಶಾಲಾ ವಿದ್ಯಾರ್ಥಿಗಳಿಂದ ಈ ಬಾರಿ ಸೈಬರ್ ಭದ್ರತಾ ಪ್ರತಿಜ್ಞೆ

ತಿರುವನಂತಪುರಂ: ಸೈಬರ್ ಪ್ರಪಂಚದ ಅಪಾಯಗಳ ಬಗ್ಗೆ ವಿದ್ಯಾರ್ಥಿಗಳಿಗೆ ಅರಿವು ಮೂಡಿಸುವ ಭಾಗವಾಗಿ, ಜೂನ್ 1 ರಂದು ರಾಜ್ಯದಾದ್ಯಂತ ಶಾಲಾ ವಿದ್ಯಾರ್ಥಿಗಳು ಶಾಲಾ ಪ್ರವೇಶದ ಸಮಯದಲ್ಲಿ ಸೈಬರ್ ಭದ್ರತಾ ಪ್ರತಿಜ್ಞೆ ಸ್ವೀಕರಿಸಲಿದ್ದಾರೆ. ಸೈಬರ್ ಜಗತ್ತಿನಲ್ಲಿ ಮಕ್ಕಳನ್ನು ಸುರಕ್ಷಿತವಾಗಿರಿಸಲು ಕೇರಳ ಪೆÇಲೀಸ್ ಸೈಬರ್ ವಿಂಗ್‍ನ ಯೋಜನೆಯಾದ ಕಿಡ್ ಗ್ಲೋವ್ ಯೋಜನೆಯ ರಾಜ್ಯವ್ಯಾಪಿ ಅನುಷ್ಠಾನದ ಭಾಗವಾಗಿ ಈ ಪ್ರತಿಜ್ಞೆ ಇರಲಿದೆ.

ಕಿಡ್ ಗ್ಲೋವ್ ಒಳಗೊಂಡಿರುವ ಕ್ಷೇತ್ರಗಳಲ್ಲಿ ಡಿಜಿಟಲ್ ಪ್ಲಾಟ್‍ಫಾರ್ಮ್‍ಗಳ ಸುರಕ್ಷಿತ ಮತ್ತು ಜವಾಬ್ದಾರಿಯುತ ಬಳಕೆ, ಸೈಬರ್ ಬೆದರಿಕೆಗಳಿಂದ ರಕ್ಷಣೆ, ಆನ್‍ಲೈನ್ ಗೇಮಿಂಗ್ ಅಪಾಯಗಳು, ನಕಲಿ ಸುದ್ದಿ ಜಾಗೃತಿ, ಗೌಪ್ಯತೆ ರಕ್ಷಣೆ, ಡಿಜಿಟಲ್ ವ್ಯಸನ, ಸೈಬರ್ ನೈರ್ಮಲ್ಯ, ಸಾಮಾಜಿಕ ಮಾಧ್ಯಮ ಸುರಕ್ಷತೆ ಮತ್ತು ಜವಾಬ್ದಾರಿಯುತ ಡಿಜಿಟಲ್ ನಡವಳಿಕೆ ಸೇರಿವೆ.

ಯೋಜನೆಯ ಭಾಗವಾಗಿ, ಪೆÇಲೀಸರು, ಶಿಕ್ಷಣ ಇಲಾಖೆಯ ಸಹಯೋಗದೊಂದಿಗೆ, ಶಿಕ್ಷಕರು ಮತ್ತು ಪೆÇೀಷಕರಿಗೆ ಸೈಬರ್ ಸುರಕ್ಷತೆಯ ಕುರಿತು ಮೂಲಭೂತ ತರಬೇತಿಯನ್ನು ನೀಡುತ್ತಾರೆ ಮತ್ತು ರಸಪ್ರಶ್ನೆಗಳಂತಹ ಮೋಜಿನ ಕಾರ್ಯಕ್ರಮಗಳನ್ನು ಆಯೋಜಿಸುತ್ತಾರೆ.

ಸೈಬರ್ ಸುರಕ್ಷತಾ ಪ್ರತಿಜ್ಞೆ:

-ನಾನು ಇಂಟರ್ನೆಟ್ ಅನ್ನು ಸುರಕ್ಷಿತವಾಗಿ ಮತ್ತು ಸರಿಯಾಗಿ ಬಳಸುವುದಾಗಿ ಪ್ರತಿಜ್ಞೆ ಮಾಡುತ್ತೇನೆ.

-ನನ್ನ ಪಾಸ್‍ವರ್ಡ್‍ಗಳು, ಒಟಿಪಿಗಳು ಮತ್ತು ವೈಯಕ್ತಿಕ ಮಾಹಿತಿಯನ್ನು ನಾನು ಗೌಪ್ಯವಾಗಿಡುತ್ತೇನೆ ಮತ್ತು ಅವುಗಳನ್ನು ಬೇರೆಯವರೊಂದಿಗೆ ಹಂಚಿಕೊಳ್ಳುವುದಿಲ್ಲ.

-ಆನ್‍ಲೈನ್‍ನಲ್ಲಿ ಬರುವ ಲಿಂಕ್‍ಗಳು, ಸಂದೇಶಗಳು ಮತ್ತು ಫೈಲ್‍ಗಳನ್ನು ತೆರೆಯುವ ಮತ್ತು ಹಂಚಿಕೊಳ್ಳುವ ಮೊದಲು ನಾನು ಎಚ್ಚರಿಕೆಯಿಂದ ಯೋಚಿಸುತ್ತೇನೆ.

-ನಾನು ಸೈಬರ್ ಬೆದರಿಕೆ, ನಕಲಿ ಸುದ್ದಿ ಮತ್ತು ಕೆಟ್ಟ ವಿಷಯಗಳಲ್ಲಿ ನಿರುತ್ಸಾಹದಿಂದಿರುವೆ.

-ನಾನು ಸಾಮಾಜಿಕ ಮಾಧ್ಯಮ ಮತ್ತು ಆನ್‍ಲೈನ್‍ನಲ್ಲಿ ಇತರರನ್ನು ಗೌರವಿಸುತ್ತೇನೆ ಮತ್ತು ಸೈಬರ್ ನಿಯಮಗಳನ್ನು ಅನುಸರಿಸುತ್ತೇನೆ.

-ನಾನು ಅನುಮಾನಾಸ್ಪದ ಆನ್‍ಲೈನ್ ಚಟುವಟಿಕೆಗಳನ್ನು ನನ್ನ ಪೋಷಕರು, ಶಿಕ್ಷಕರು ಅಥವಾ ಪೋಲೀಸರಿಗೆ ವರದಿ ಮಾಡುತ್ತೇನೆ.