ಚಲನಚಿತ್ರ ಜಗತ್ತನ್ನೇ ನಾಚಿಕೆಪಡಿಸುವ ನಿರ್ಮಾಣ ವಂಚನೆ; ವಿಲಂಗಾಡ್‍ನ ವ್ಯಾಪಾರಿಗಳಿಗೆ ಲಕ್ಷಾಂತರ ರೂ. ಬಾಕಿ ಇರಿಸಿದ 'ಅಜ ಸುಂದರಿ'

ಕೋಝಿಕ್ಕೋಡ್: ಚಲನಚಿತ್ರ ನಿರ್ಮಾಪಕರ ಸೂಟು ಬೂಟುಗಳೊಮದಿಗಿನ ಆಡಂಭರವನ್ನು ನಂಬಿ ಅವರಿಗೆ ಸಾಲ ನೀಡಿದ್ದ ಗುಡ್ಡಗಾಡು ಹಳ್ಳಿಯ ಸಾಮಾನ್ಯ ವ್ಯಾಪಾರಿಗಳು ಅಂತಿಮವಾಗಿ ಮೋಸ ಹೋಗಿರುವುದು ಬೆಚ್ಚಿ ಬೀಳಿಸುವುದರೊಂದಿಗೆ ನಾಚಿಕೆಯನ್ನೂ ತರಿಸಿದೆ. ಚಲನಚಿತ್ರ ಜಗತ್ತನ್ನೇ ನಾಚಿಕೆಪಡಿಸುವ ನಿರ್ಮಾಣ ವಂಚನೆ ನಡೆದಿದ್ದು, ಜೋಜು ಜಾರ್ಜ್ ಮತ್ತು ಲಿಜೋಮೋಲ್ ಜೋಸ್ ನಟಿಸಿರುವ 'ಅಜ ಸುಂದರಿ' ಚಿತ್ರದ ಸೆಟ್‍ಗಳಲ್ಲಿ.

ಕೋಝಿಕೋಡ್ ಜಿಲ್ಲೆಯ ವಿಲಂಗಾಡ್ ಎಂಬ ಹಳ್ಳಿಯ ಸಣ್ಣ ವ್ಯಾಪಾರಿಗಳಿಗೆ ನಿರ್ಮಾಣ ತಂಡವು ಲಕ್ಷಾಂತರ ರೂಪಾಯಿಗಳನ್ನು ಬಾಕಿ ಉಳಿಸಿಕೊಂಡಿದೆ. ಚಿತ್ರೀಕರಣದ ಸಮಯದಲ್ಲಿ ಸೆಟ್‍ಗೆ ತರಕಾರಿಗಳು, ಮಾಂಸ, ಮೊಟ್ಟೆ, ಡೈರಿ ಉತ್ಪನ್ನಗಳು ಮತ್ತು ದಿನಸಿಗಳನ್ನು ಒದಗಿಸಿದ್ದರಿಂದ ವ್ಯಾಪಾರಿಗಳಿಗೆ ದೊಡ್ಡ ಮೊತ್ತದ ಹಣ ಬಾಕಿಯಿರಿಸಲಾಗಿದೆ. ಇದರಲ್ಲಿ ಅತ್ಯಂತ ದುರದೃಷ್ಟಕರ ವಿಷಯವೆಂದರೆ ಕ್ಯಾನ್ಸರ್ ಪೀಡಿತ ಉದ್ಯಮಿಯೊಬ್ಬರು ನಡೆಸುತ್ತಿದ್ದ ಮಾಂಸದ ಅಂಗಡಿಯು ತಿಂಗಳುಗಟ್ಟಲೆ 120,000 ರೂ.ಗಳನ್ನು ಪಾವತಿಸಲಿಲ್ಲ. ಈ ಘಟನೆ ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ಚರ್ಚಿಸಲ್ಪಟ್ಟ ನಂತರ ಸಿಬ್ಬಂದಿ ಪ್ರತಿಕ್ರಿಯೆ ನೀಡಿದರು.

ಈ ವಿಷಯ ವಿವಾದಾತ್ಮಕವಾದ ನಂತರ, ಆಶಿಕ್ ಅಬು ವಿವರಣೆ ನೀಡಿದ್ದು, ನ್ಯಾಯವು ವ್ಯಾಪಾರಿಗಳ ಕಡೆಗಿದೆ ಮತ್ತು ನಿರ್ಮಾಣ ತಂಡದ ಕಡೆಯಿಂದ ಆದ ಲೋಪವನ್ನು ಗಂಭೀರವಾಗಿ ಪರಿಗಣಿಸಲಾಗಿದೆ ಎಂದು ಅವರು ಸ್ಪಷ್ಟಪಡಿಸಿದರು. ಒಪ್ಪಂದದ ಪ್ರಕಾರ ಸರಕುಗಳನ್ನು ತಲುಪಿಸುವ ಜವಾಬ್ದಾರಿಯನ್ನು ಹೊಂದಿದ್ದ ವಡಗರ ಮೂಲದ ಸಜಿತ್ ಎನ್. ಎಂಬ ವ್ಯಕ್ತಿ ನಿರ್ಮಾಣ ತಂಡವನ್ನು ವಂಚಿಸಿದ್ದಾರೆ ಎಂದು ಆಶಿಕ್ ಅಬು ಹೇಳುತ್ತಾರೆ.

'ಆಹಾರ ಪದಾರ್ಥಗಳು ಮತ್ತು ಇತರ ಅಗತ್ಯ ವಸ್ತುಗಳನ್ನು ಖರೀದಿಸಲು ಉತ್ಪಾದನಾ ಇಲಾಖೆ ಸಜಿತ್‍ಗೆ 25 ಲಕ್ಷ ರೂ.ಗಳನ್ನು ಸರಿಯಾಗಿ ಹಸ್ತಾಂತರಿಸಿತ್ತು. ಆದರೆ ಅವರು ವ್ಯಾಪಾರಿಗಳಿಗೆ ಈ ಮೊತ್ತವನ್ನು ಪಾವತಿಸದೆ ನಾಪತ್ತೆಯಾಗಿದ್ದಾರೆ. ಕಳೆದ ಎರಡು ತಿಂಗಳಿನಿಂದ ಅವರ ಬಗ್ಗೆ ಯಾವುದೇ ಸುದ್ದಿ ಇಲ್ಲ...' ಎಂದು ಆಶಿಕ್ ಅಬು ಹೇಳಿರುವರು.

ಸಜಿತ್ ವಿರುದ್ಧ ಪೋಲೀಸರು ಹಾಗೂ ಫೆಫ್ಕಾ ಮತ್ತು ಕೇರಳ ಚಲನಚಿತ್ರ ನಿರ್ಮಾಪಕರ ಸಂಘದಲ್ಲಿ ದೂರು ದಾಖಲಾಗಿದೆ. ಗುತ್ತಿಗೆದಾರ ಮೋಸ ಮಾಡಿದರೂ, ವಿಲಂಗಡ್‍ನ ವ್ಯಾಪಾರಿಗಳಿಗೆ ಆದಷ್ಟು ಬೇಗ ಹಣ ಸಿಗುವಂತೆ ಮಾಡುವುದಾಗಿ ಆಶಿಕ್ ಅಬು ಭರವಸೆ ನೀಡಿದರು.

'ಅಜ ಸುಂದರಿ' ಚಿತ್ರವು ಮನು ಆಂಟೋನಿ ಮತ್ತು ಗೀತಾರ್ಥ್ ಎ.ಆರ್ ಅವರ ಕಥೆಯನ್ನು ಆಧರಿಸಿ ಸನೀತ್ ರಾಧಾಕೃಷ್ಣನ್ ಅವರ ಚಿತ್ರಕಥೆಯಾಗಿದೆ. ಹೆಸರೇ ಸೂಚಿಸುವಂತೆ, ಫಸ್ಟ್ ಲುಕ್ ಪೋಸ್ಟರ್‍ಗಳು ಚಿತ್ರದ ಕಥಾವಸ್ತುವು ಮೇಕೆಯ ಕಣ್ಮರೆ ಮತ್ತು ಅದರ ನಂತರದ ಆಸಕ್ತಿದಾಯಕ ಘಟನೆಗಳ ಬಗ್ಗೆ ಎಂದು ಸೂಚಿಸುತ್ತದೆ. ಈ ವರ್ಷದ ಫೆಬ್ರವರಿಯಲ್ಲಿ ಪೂರ್ಣಗೊಂಡ ಚಿತ್ರ ಬಿಡುಗಡೆಗೆ ಸಜ್ಜಾಗುತ್ತಿರುವಾಗ ಅನಿರೀಕ್ಷಿತ ವಿವಾದ ಎದುರಾಗಿದೆ.