ನೀಟ್ ಮರುಪರೀಕ್ಷೆ: ವಿದ್ಯಾರ್ಥಿಗಳಿಗೆ ಸಲಹೆ, ಪ್ರವೇಶ ಪತ್ರ ಅಪ್‌ಡೇಟ್ ಹಂಚಿದ NTA

ನವದೆಹಲಿ: ನಾಳೆ (ಜೂನ್ 21ರಂದು) ನಡೆಯಲಿರುವ 2026ರ ನೀಟ್‌-ಯುಜಿ ಮರುಪರೀಕ್ಷೆಗೆ ಪ್ರವೇಶ ಪತ್ರಗಳನ್ನು ಡೌನ್‌ಲೋಡ್ ಮಾಡಿಕೊಳ್ಳುವಂತೆ ಅಭ್ಯರ್ಥಿಗಳಿಗೆ ರಾಷ್ಟ್ರೀಯ ಪರೀಕ್ಷಾ ಏಜೆನ್ಸಿ (ಎನ್‌ಟಿಎ) ಸೂಚಿಸಿದೆ. ಈ ಸಂದರ್ಭದಲ್ಲಿ ಏಜೆನ್ಸಿಯ ಅಧಿಕೃತ ವೆಬ್‌ಸೈಟ್‌ ಮಾತ್ರ ಪರಿಶೀಲಿಸುವಂತೆಯೂ ವಿದ್ಯಾರ್ಥಿಗಳಿಗೆ ಸುರಕ್ಷತಾ ಸಲಹೆಯನ್ನು ನೀಡಿದೆ.

ನೀಟ್ ಪ್ರವೇಶ ಪತ್ರಕ್ಕೆ ಸಂಬಂಧಿಸಿದ ರಿಮೈಂಡರ್ ಹಾಗೂ ಸುರಕ್ಷತಾ ಸಲಹೆ ಹೀಗಿದೆ:

*ಜೂನ್ 21ರ ಮರುಪರೀಕ್ಷೆಗಾಗಿ ಪ್ರವೇಶ ಪತ್ರಗಳನ್ನು ಡೌನ್‌ಲೋಡ್ ಮಾಡಿಕೊಳ್ಳುವುದಕ್ಕಾಗಿ ಎನ್‌ಟಿಎ, ಅಭ್ಯರ್ಥಿಗಳಿಗೆ SMS ಹಾಗೂ ಇಮೇಲ್ ಮೂಲಕ ರಿಮೈಂಡರ್‌ಗಳನ್ನು ಕಳುಹಿಸುತ್ತಿದೆ.

ಎನ್‌ಟಿಎ ಮೆಸೇಜ್ ನೈಜವೇ ಎಂಬುದನ್ನು ಪತ್ತೆ ಹಚ್ಚುವುದು ಹೇಗೆ?

• SMS: NICPEP ಕಡೆಯಿಂದ ಮಾತ್ರ ಅಧಿಕೃತವಾಗಿ ಬರುತ್ತದೆ.

• Email: no-reply.neet.nta@nic.in

• https://neet.nta.nic.in : (ಬ್ರೌಸರ್‌ನಲ್ಲಿ ನೀವೇ ಟೈಪ್ ಮಾಡಿ)

• ಎನ್‌ಟಿಎ ಅಭ್ಯರ್ಥಿಗಳ ಬಳಿ ಹಣ ಕೇಳುವುದಿಲ್ಲ.

• ಪರೀಕ್ಷಾ ಪತ್ರಿಕೆ, ಉತ್ತರ ಅಥವಾ ಸೋರಿಕೆಯಾದ ಮಾಹಿತಿಗಳನ್ನು ಎಂದಿಗೂ ರವಾನಿಸುವುದಿಲ್ಲ.

• ಲಿಂಕ್ ಮೂಲಕ ನಿಮ್ಮ ಪ್ರವೇಶ ಪತ್ರ ಹಂಚಿಕೊಳ್ಳಲು ಕೇಳುವುದಿಲ್ಲ.

• ನಿಮಗೇನಾದರೂ ಅಂತಹ ಸಂದೇಶಗಳು ಬಂದ್ದಲ್ಲಿ ಲಿಂಕ್ ಕ್ಲಿಕ್ ಮಾಡದಿರಿ. ತಕ್ಷಣವೇ ರಿಪೋರ್ಟ್ ಮಾಡಿ. ಎಚ್ಚರದಿಂದಿರಿ, ಸುರಕ್ಷಿತವಾಗಿರಿ ಎಂದಿದೆ.

ಇಲ್ಲಿ ದೂರು ದಾಖಲಿಸಿ:https://innovateindia.mygov.in/neet-ug-2026 ಅಥವಾ ಕರೆ ಮಾಡಿ 1930 / https://cybercrime.gov.in

ಅಧಿಕೃತ ವಾಟ್ಸ್‌ಆಯಪ್ ಅಪ್‌ಡೇಟ್:

*ಮರುಪರೀಕ್ಷೆಯ ಮಾಹಿತಿ, ಪರೀಕ್ಷಾ ಕೇಂದ್ರ ಮಾಹಿತಿಗಳನ್ನು ವಾಟ್ಸ್‌ಆಯಪ್ ಮೂಲಕ ಅಭ್ಯರ್ಥಿಗಳಿಗೆ ರವಾನಿಸಲಾಗುತ್ತದೆ.

ಅಧಿಕೃತ ಸಂದೇಶ ಎಂದು ತಿಳಿಯುವುದು ಹೇಗೆ:

• ಅಧಿಕೃತ ವಾಟ್ಸ್‌ಆಯಪ್ ನಂಬರ್: +91 78279 80287

• National Testing Agency ಎಂಬ ಬ್ಲೂ ಟಿಕ್ ಗುರುತಿಸಿ. ಬ್ಲೂ ಟಿಕ್ ಇಲ್ಲದಿದ್ದರೆ ಅದು ಎನ್‌ಟಿಎ ಅಲ್ಲ.

• ಇದು ಬ್ರಾಡ್‌ಕಾಸ್ಟ್ ಚಾನಲ್ ಆಗಿದ್ದು, ನಿಮ್ಮ ರಿಪ್ಲೇ, ಒಟಿಪಿ, ವೈಯಕ್ತಿಕ ವಿವರ ಅಥವಾ ಹಣ ಪಾವತಿ ಕೇಳುವುದಿಲ್ಲ.

ಪ್ರವೇಶ ಪತ್ರ ಡೌನ್‌ಲೋಡ್ ಮಾಡುವುದು ಎಲ್ಲಿ:

https://neet.nta.nic.in ಮೂಲಕ ಡೌನ್‌ಲೋಡ್ ಮಾಡಿ. (ಫಾರ್ವರ್ಡ್ ಲಿಂಕ್‌ಗಳನ್ನು ನಂಬದಿರಿ. ನೀವೇ ಬ್ರೌಸರ್‌ನಲ್ಲಿ ಟೈಪ್ ಮಾಡಿ ಓಪನ್ ಮಾಡಿ). ಮೇ 3ರ ಪ್ರವೇಶ ಪತ್ರ ಮಾನ್ಯವಾಗಿರುವುದಿಲ್ಲ.

ಜೂನ್ 21ರ ಪ್ರವೇಶ ಪತ್ರವನ್ನು ಈಗಾಗಲೇ ಡೌನ್‌ಲೋಡ್ ಮಾಡಿರುವರು ಮತ್ತೆ ಡೌನ್‌ಲೋಡ್ ಮಾಡುವ ಅಗತ್ಯವಿಲ್ಲ.