ಬಿಜೆಪಿ ಬದಿಯಡ್ಕ ಮಂಡಲದ ಪ್ರಶಿಕ್ಷಣ ಅಭಿಯಾನದ ಸಮಾರೋಪ

ಬದಿಯಡ್ಕ: ಹಿರಿಯರ ಕಠಿಣ ಪ್ರಯತ್ನ ಹಾಗೂ ದೂರದರ್ಶಿ ನಿರ್ದಾರದಿಂದಾಗಿ ಬಿಜೆಪಿ ಪಕ್ಷವು ಇಂದು ಹೆಮ್ಮರವಾಗಿ ಬೆಳೆದು ನಿಂತಿದೆಯೆಂದು ಪಕ್ಷದ ರಾಷ್ಟ್ರೀಯ ಕೌನ್ಸಿಲ್ ಸದಸ್ಯ ಎಂ.ಸಂಜೀವ ಶೆಟ್ಟಿ ಹೇಳಿದರು. 

ಅವರು ಬಿಜೆಪಿ ಬದಿಯಡ್ಕ ಮಂಡಲ ಸಮಿತಿಯ ಆಶ್ರಯದಲ್ಲಿ ಮುಳ್ಳೇರಿಯ ಗಣೇಶ ಕಲಾಮಂದಿರದಲ್ಲಿ 24 ಗಂಟೆಗಳ ಕಾಲ ನಡೆದ ಪ್ರಶಿಕ್ಷಣ ಅಭಿಯಾನದ ಸಮಾರೋಪ ಸಮಾರಂಭ ಉದ್ಘಾಟಿಸಿ ಮಾತನಾಡುತ್ತಿದ್ದರು.

ಬೂತ್ ಮಟ್ಟದಲ್ಲಿ ಸಕ್ರಿಯರಾಗುವ ಮೂಲಕ ಜನರ ಅಹವಾಲುಗಳಿಗೆ ಸ್ಪಂದಿಸುವ ಅಗತ್ಯವಿದೆ. ಇಂತಹ ಚಟುವಟಿಕೆಗಳಿಂದಾಗಿಯೇ ಪಕ್ಷವು ರಾಜ್ಯದಲ್ಲಿ ಮೂರು ಮಂದಿ ಶಾಸಕರನ್ನು ಹೊಂದಿದೆ. ಅದು ಮುಂದೆ ಹತ್ತು ಪಾಲು ಹೆಚ್ಚಾಗಲಿದೆ ಎಂದವರು ಹೇಳಿದರು. 

ಬದಿಯಡ್ಕ ಮಂಡಲ ಅಧ್ಯಕ್ಷ ಗೋಪಾಲಕೃಷ್ಣ ಎಂ.ಅಧ್ಯಕ್ಷತೆ ವಹಿಸಿದರು. ಸುಧಾಮ ಗೋಸಾಡ, ಸುನಿಲ್ ಪಿ.ಆರ್, ಮಣಿಕಂಠ ರೈ ಪಟ್ಲ, ಶಿವಕೃಷ್ಣ ಭಟ್, ಶಂಕರ ಡಿ, ಹರೀಶ್ ನಾರಂಪಾಡಿ, ಜನನಿ ಕಾರಡ್ಕ,  ಯಶೋಧ ಕುಂಬ್ಡಾಜೆ, ಮಾಲತಿ ಬೆಳ್ಳೂರು, ಅಶ್ವಿನಿ ಕೆ.ಎಂ, ಗುರುಪ್ರಸಾದ್ ಕೋಟೆಕಣಿ ಮೊದಲಾದವರು ಉಪಸ್ಥಿತರಿದ್ದರು. ಶ್ರೀಧರ ಬೆಳ್ಳೂರು ಸ್ವಾಗತಿಸಿ, ರವೀಂದ್ರ ರೈ ಗೋಸಾಡ ವಂದಿಸಿದರು.