ಮಹಿಳೆಯರ ಸುರಕ್ಷತೆ ಹೆಚ್ಚಿಸುವ ಯೋಜನೆಗೆ ಸರ್ಕಾರಕ್ಕೆ ಐಡಿಯಾ ನೀಡಿ ಬಹುಮಾನ ಗೆಲ್ಲಿ

ನವದೆಹಲಿ: ಕೇಂದ್ರ ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಸಚಿವಾಲಯವು 'ನಿರ್ಭಯಾ ನಿಧಿ' ಅಡಿಯಲ್ಲಿ ರಾಷ್ಟ್ರಮಟ್ಟದ ಸ್ಪರ್ಧೆಯೊಂದನ್ನು ಆಯೋಜಿಸಿದೆ. ಒಥಿಉov ಸಹಯೋಗದಲ್ಲಿ ನಡೆಯುವ ಈ ಸ್ಪರ್ಧೆಯಲ್ಲಿ ದೇಶದ ಮಹಿಳೆಯರ ಸುರಕ್ಷತೆಯನ್ನು ಹೆಚ್ಚಿಸುವ ಹೊಸ ಆಲೋಚನೆ ಹಾಗೂ ಕಲ್ಪನೆಗಳಿಂದ ಕೂಡಿದ ಯೋಜನಾ ಪ್ರಸ್ತಾವನೆ ಸಲ್ಲಿಸಬಹುದು.

'ಅವಳಿಗಾಗಿ ನಾವೀನ್ಯತೆ - ಮಹಿಳಾ ಸುರಕ್ಷತೆಗಾಗಿ ಆಲೋಚನೆಗಳು' (Innovation for Her - Ideas for Women's Safety) ಎಂಬ ವಿಷಯವನ್ನು ಆಧಾರವಾಗಿಟ್ಟುಕೊಂಡು ತಂತ್ರಜ್ಞಾನ ಆಧಾರಿತ ಸುರಕ್ಷತೆ, ಸಮುದಾಯದ ಪಾಲ್ಗೊಳ್ಳುವಿಕೆ, ಮೂಲಸೌಕರ್ಯಗಳ ಸುಧಾರಣೆ ಹಾಗೂ ಕಾನೂನು ಮತ್ತು ಜಾಗೃತಿ ವಿಷಯಗಳನ್ನು ಆಧಾರವಾಗಿ ಇಟ್ಟುಕೊಂಡು ಹೊಸ ಕಲ್ಪನೆಗಳನ್ನು ಯೋಜಿತ ಪ್ರಸ್ತಾವನೆಯೊಂದಿಗೆ ಸಲ್ಲಿಸಬೇಕು.

ಈ ಸ್ಪರ್ಧೆಯಲ್ಲಿ ಭಾರತದ ಎಲ್ಲಾ ನಾಗರಿಕರು, ವಿದ್ಯಾರ್ಥಿಗಳು, ಸ್ಟಾರ್ಟ್‌ಅಪ್‌ಗಳು, ಸಂಸ್ಥೆಗಳು ಹಾಗೂ ಸಂಘಟನೆಗಳು ಭಾಗವಹಿಸಬಹುದಾಗಿದೆ.

ಸೂಚನೆಗಳು

• ಯೋಜನಾ ಪ್ರಸ್ತಾವನೆಯ ಗಾತ್ರ 2 ಎಂಬಿ ಮೀರಬಾರದು. ಇದು ಪಿಡಿಎಫ್ ಸ್ವರೂಪದಲ್ಲಿ ಇರುವುದು ಕಡ್ಡಾಯ

• ಪ್ರಸ್ತಾವನೆಯು 4 ಪುಟಗಳನ್ನು ಮೀರುವಂತಿಲ್ಲ. 2000 ಪದಗಳಿಂದ ಕೂಡಿರಬೇಕು. (ಇದರೊಳಗೆ ಯೋಜನೆಗೆ ಸಂಬಂಧಿಸಿದ ರೇಖಾ ಚಿತ್ರಗಳು ಸೇರಿಸಬಹುದು)

• ಸಲ್ಲಿಸುವ ಐಡಿಯಾಗಳು ಸ್ವಂತದ್ದಾಗಿರಬೇಕು. ಎಐ ಬಳಸಿಕೊಂಡು ರಚಿಸಿರಬಾರದು ಅಥವಾ ಕೃತಿಚೌರ್ಯ ಮಾಡಿರಬಾರದು.

• ಸಿದ್ದಪಡಿಸಿದ ಯೋಜನಾ ಪ್ರಸ್ತಾವನೆಯನ್ನು MyGov.in ಜಾಲತಾಣದಲ್ಲಿ ಸಲ್ಲಿಸಬೇಕು.

ಅರ್ಜಿ ಸಲ್ಲಿಕೆಯ ದಿನಾಂಕ

• ಪ್ರಾರಂಭ ದಿನಾಂಕ 2026ರ ಆಗಸ್ಟ್ 21

• ಕೊನೆಯ ದಿನಾಂಕ 2026ರ ಸೆಪ್ಟೆಂಬರ್ 16

ಬಹುಮಾನ

• ಮೊದಲ ಸ್ಥಾನ ಪಡೆದವರಿಗೆ ₹20,000 ಬಹುಮಾನ

• ದ್ವಿತೀಯ ಸ್ಥಾನ ಪಡೆದವರಿಗೆ ₹15,000 ಬಹುಮಾನ

• 3 ವಿಜೇತರಿಗೆ ತಲಾ ₹10,000 ಸಮಾಧಾನಕರ ಬಹುಮಾನ ಸಿಗಲಿದೆ.

• ಸ್ಪರ್ಧೆಯಲ್ಲಿ ಭಾಗಿಯಾದ ಎಲ್ಲರಿಗೂ ಪ್ರಮಾಣ ಪತ್ರ ಸಿಗಲಿದೆ.

ನಿಯಮ ಮತ್ತು ಷರತ್ತುಗಳು

• ಭಾರತೀಯ ಪ್ರಜೆಯಾಗಿರಬೇಕು.

• ಮಹಿಳೆಯರ ಸುರಕ್ಷತೆಗೆ ಸಂಬಂಧಿಸಿದ ನವೀನ ಕಲ್ಪನೆ ಹಾಗೂ ಯೋಜನೆಗಳ ಪ್ರಸ್ತಾವನೆಯನ್ನು ಆಹ್ವಾನಿಸುವ ಉದ್ದೇಶವನ್ನು ಮಾತ್ರ ಹೊಂದಿದೆ.

• ಸಲ್ಲಿಕೆಯಾದ ಅರ್ಜಿಗಳನ್ನು ಸ್ವೀಕರಿಸುವ, ತಿರಸ್ಕರಿಸುವ, ಶಾರ್ಟ್‌ಲಿಸ್ಟ್‌ ಮಾಡಿ ಆಯ್ಕೆ ಮಾಡುವ ಸಂಪೂರ್ಣ ಅಧಿಕಾರ ಸಚಿವಾಲಯಕ್ಕಿದೆ.

• ಸಚಿವಾಲಯದ ತೀರ್ಮಾನವೇ ಅಂತಿಮವಾಗಿರುತ್ತದೆ.

• ಮಹಿಳೆಯರ ಸುರಕ್ಷತೆಯ ಕುರಿತು ಸಲ್ಲಿಸುವ ಹೊಸ ಕಲ್ಪನೆಗಳು ನಿಮ್ಮದೇ ಆಗಿರಬೇಕು.

• ಒಮ್ಮೆ ಸಲ್ಲಿಸಿದ ಯೋಜನಾ ಪ್ರಸ್ತಾವನೆಯನ್ನು ಪ್ರಕಟಿಸುವ ಹಾಗೂ ಯಾವುದೇ ಸಂದರ್ಭದಲ್ಲಿ ಬಳಸಿಕೊಳ್ಳುವ ಹಕ್ಕನ್ನು ಸಚಿವಾಲಯ ಹೊಂದಿರುತ್ತದೆ.

• ಈ ನಿಯಮಗಳು ಮತ್ತು ಷರತ್ತುಗಳು ಭಾರತೀಯ ಕಾನೂನುಗಳಿಂದ ನಿಯಂತ್ರಿಸಲ್ಪಡುತ್ತವೆ.

• ಸ್ಪರ್ಧೆಯಿಂದ ಉಂಟಾಗುವ ಯಾವುದೇ ವಿವಾದವು ನವದೆಹಲಿಯ ನ್ಯಾಯಾಲಯಗಳ ವ್ಯಾಪ್ತಿಗೆ ಒಳಪಟ್ಟಿರುತ್ತದೆ.