ಜಾರ್ಖಂಡ್‌: ಹಬ್ಬದ ವೇಳೆ 6 ಮಂದಿ ಜಲಸಮಾಧಿ

ಮೇದಿನಿನಗರ: ಜಾರ್ಖಂಡ್‌ನ ಪಲಾಮು ಜಿಲ್ಲೆಯಲ್ಲಿ ಕರಮ್‌ ಪರ್ವ ಹಬ್ಬದ ಆಚರಣೆ ವೇಳೆ ನಡೆದ ಎರಡು ಪ್ರತ್ಯೇಕ ಘಟನೆಗಳಲ್ಲಿ ಮಕ್ಕಳು ಸೇರಿ ಆರು ಮಂದಿ ಜಲಸಮಾಧಿಯಾಗಿದ್ದಾರೆ.

'ಬೊಕಾಯ ಗ್ರಾಮದ ಕೋಯಲ್‌ ನದಿಯಲ್ಲಿ ಮುಳುಗುತ್ತಿದ್ದ 8 ವರ್ಷದ ಬಾಲಕನನ್ನು ರಕ್ಷಿಸಲು ನಾಲ್ವರು ಜಿಗಿದರು. 

ಇವರೆಲ್ಲರೂ ಮೃತಪಟ್ಟಿದ್ದಾರೆ. ನಾನಿ ಝಾರಿಯಾ ಗ್ರಾಮದಲ್ಲಿ 16 ವರ್ಷದ ಮಹಿಳೆಯೊಬ್ಬರು ಆಯತಪ್ಪಿ ಹೊಂಡಕ್ಕೆ ಬಿದ್ದು ಸಾವಿಗೀಡಾದರು' ಎಂದು ಎಸ್‌ಪಿ ಕಪಿಲ್‌ ಚೌಧರಿ ತಿಳಿಸಿದ್ದಾರೆ.

ಸಹ್ರುಲ್‌ (ವಸಂತ ಮಾಸಾಚರಣೆ) ನಂತರ ಇಲ್ಲಿನ ಆದಿವಾಸಿ ಸಮುದಾಯ ಮಂಗಳವಾರ ಅತ್ಯಂತ ದೊಡ್ಡ ಹಬ್ಬ ಕರಮ್‌ ಪರ್ವ ಆಚರಿಸಿತು. ಕರ್ಮ ವೃಕ್ಷದ (ಪವಿತ್ರ ಮರ) ಕೊಂಬೆಯನ್ನು ಭಕ್ತರು ನೀರಿನಲ್ಲಿ ವಿಸರ್ಜಿಸಿದ ನಂತರ ಈ ಹಬ್ಬ ಕೊನೆಗೊಳ್ಳುತ್ತದೆ.