Saudi Arabia | ಕಳೆದ 48 ಗಂಟೆಗಳಲ್ಲಿ ರಕ್ಷಣಾ ಸಚಿವಾಲಯ, ಅರಾಮ್ಕೊ ಘಟಕ, 2 ಏರ್ ಪೋರ್ಟ್ ಗಳ ಮೇಲೆ ಹೌತಿಗಳಿಂದ ದಾಳಿ

ರಿಯಾದ್: ಯೆಮೆನ್‌ ನ ಹೌತಿಗಳು ಕಳೆದ 48 ಗಂಟೆಗಳಲ್ಲಿ ಸೌದಿ ಅರೇಬಿಯಾದ ರಿಯಾದ್‌ ನಲ್ಲಿರುವ ರಕ್ಷಣಾ ಸಚಿವಾಲಯ, ಯಾನ್ಬುವಿನಲ್ಲಿರುವ ಸೌದಿ ಅರಾಮ್ಕೊ ಘಟಕ ಹಾಗೂ ಎರಡು ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣಗಳ ಮೇಲೆ ದಾಳಿ ನಡೆಸಿರುವುದಾಗಿ ಹೇಳಿಕೊಂಡಿದ್ದಾರೆ ಎಂದು Aljazeera ವರದಿ ಮಾಡಿದೆ. 

ಅಬ್ಹಾ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣ ಮತ್ತು ದಮ್ಮಾಮ್‌ ನಲ್ಲಿರುವ ಕಿಂಗ್ ಫಹದ್ ಅಂತರರಾಷ್ಟ್ರೀಯ ವಿಮಾನ ನಿಲ್ದಾಣಗಳ ಮೇಲೆಯೂ ದಾಳಿ ನಡೆಸಿರುವುದಾಗಿ ಹೌತಿಗಳ ಮಿಲಿಟರಿ ವಕ್ತಾರ ಯಾಹ್ಯಾ ಸರೀ ತಿಳಿಸಿದ್ದಾರೆ.

ಈ ದಾಳಿಗಳಲ್ಲಿ ಇಬ್ಬರು ಮೃತಪಟ್ಟಿದ್ದಾರೆ ಎಂದು ಸೌದಿ ಅಧಿಕಾರಿಗಳು ತಿಳಿಸಿದ್ದಾರೆ.