ನವದೆಹಲಿ: ಮುಂಬರುವ ವರ್ಷದಲ್ಲಿ ವಿಧಾನಸಭಾ ಚುನಾವಣೆ ಎದುರಿಸಲಿರುವ ಐದು ರಾಜ್ಯಗಳಲ್ಲಿ ಮತದಾರರ ಪಟ್ಟಿಯ ವಿಶೇಷ ತೀವ್ರ ಪರಿಷ್ಕರಣೆ (ಎಸ್ಐಆರ್ - Special Intensive Revision) ಪೂರ್ಣಗೊಂಡ ನಂತರ ಮತದಾರರ ಸಂಖ್ಯೆಯಲ್ಲಿ ಶೇಕಡಾ 12.2ರಷ್ಟು ಭಾರಿ ಇಳಿಕೆ ಕಂಡುಬಂದಿದೆ.
ವರದಿಗಳ ಪ್ರಕಾರ, ಕಡಿತಗೊಂಡ ಒಟ್ಟು ಮತದಾರರಲ್ಲಿ ಶೇಕಡಾ 90ರಷ್ಟು ಪಾಲು ಉತ್ತರ ಪ್ರದೇಶವೊಂದರಲ್ಲೇ ದಾಖಲಾಗಿದೆ.
ರಾಜ್ಯವಾರು ವಿವರ:
ಪಂಜಾಬ್: ಮತದಾರರ ಸಂಖ್ಯೆ 2.15 ಕೋಟಿಯಿಂದ 2.01 ಕೋಟಿಗೆ ಇಳಿಕೆಯಾಗಿದ್ದು, ಒಟ್ಟು 14 ಲಕ್ಷ ಮತದಾರರ ಕಡಿತವಾಗಿದೆ.
ಉತ್ತರಾಖಂಡ:
80 ಲಕ್ಷದಿಂದ 72 ಲಕ್ಷಕ್ಕೆ ಇಳಿಕೆಯಾಗಿದ್ದು, ಸುಮಾರು 8 ಲಕ್ಷ ಮತದಾರರ ಹೆಸರುಗಳು ಕಡಿಮೆಯಾಗಿವೆ. ಮಣಿಪುರ: 20.90 ಲಕ್ಷದಿಂದ 19.61 ಲಕ್ಷಕ್ಕೆ ಇಳಿಕೆಯಾಗಿದ್ದು, 1.30 ಲಕ್ಷ ಮತದಾರರ ಹೆಸರುಗಳು ಹೊರಬಿದ್ದಿವೆ.
ಗೋವಾ: 11.85 ಲಕ್ಷದಿಂದ 10.58 ಲಕ್ಷಕ್ಕೆ ಇಳಿಕೆಯಾಗಿದ್ದು, 1.27 ಲಕ್ಷ ಮತದಾರರ ಸಂಖ್ಯೆ ಕುಸಿದಿದೆ.
ಮುಂದಿನ ವರ್ಷ ಜನವರಿ 1ರೊಳಗೆ 18 ವರ್ಷ ಪೂರೈಸಲಿರುವ ಅರ್ಹ ನಾಗರಿಕರು ಮತದಾರರ ಪಟ್ಟಿಗೆ ಹೊಸದಾಗಿ ತಮ್ಮ ಹೆಸರು ಸೇರಿಸಲು ಚುನಾವಣಾ ಆಯೋಗ ಅವಕಾಶ ಕಲ್ಪಿಸಿದೆ.



