ಕೇರಳಕ್ಕೆ ನಬಾರ್ಡ್ ನ 13,425 ಕೋಟಿ ರೂ. ಆರ್ಥಿಕ ಸಹಾಯ ಮಂಜೂರು

        ತಿರುವನಂತಪುರ: ನಬಾರ್ಡ್‍ನ ಇತಿಹಾಸದಲ್ಲೇ ಮೊದಲ ಬಾರಿಗೆ ಕೇರಳ ರಾಜ್ಯಕ್ಕೆ ಅತ್ಯಧಿಕ ಪ್ರಮಾಣದ ಆರ್ಥಿಕ ಸಹಾಯ 2020-21 ರಲ್ಲಿ ಲಭಿಸಿದೆ. 13,425 ಕೋಟಿ ರೂ. ಕೇರಳಕ್ಕೆ ಪುನರ್ ಸಾಲ ರೂಪದಲ್ಲಿ , ನೇರವಾದ ಸಾಲ ರೂಪದಲ್ಲಿ ನಬಾರ್ಡ್ ಈ ಮೊತ್ತ ವಿತರಿಸಿದೆ. 2019-20 ಆರ್ಥಿಕ ವರ್ಷಕ್ಕೆ ಹೋಲಿಸಿದರೆ ಇದು ಶೇ 26 ಹೆಚ್ಚಳವಾಗಿದೆ. 13,425 ಕೋಟಿ ರೂ. ನಲ್ಲಿ 12,847 ಕೋಟಿ ರೂ. ಪುನರ್ ಸಾಲ ರೂಪದಲ್ಲಿ, ಕೇರಳ ರಾಜ್ಯ ಸಹಕಾರಿ ಬ್ಯಾಂಕ್, ಕೇರಳ ಗ್ರಾಮೀಣ ಬ್ಯಾಂಕ್, ಕೇರಳ ರಾಜ್ಯ ಕೃಷಿ ಗ್ರಾಮೀಣ ಅಭಿವೃದ್ಧಿ ಬ್ಯಾಂಕ್ ಸಹಿತ ಸಂಸ್ಥೆಗಳಿಗೆ ಆದ್ಯತೆ ವಲಯದ ಸಾಲಗಳಿಗಾಗಿ ನೀಡಲಾಗಿದೆ. 

         ಇದರಲ್ಲಿ 9,252 ಕೋಟಿ ರೂ. ಕೃಷಿ ವಲಯದ ಬೆಳೆ ಸಾಲ, ಎಂ.ಎಸ್.ಎಂ.ಇ. ವಲಯದಲ್ಲಿ ಚಟುವಟಿಕೆಗಳಿಗೆ ಮೂಲ ಬಂಡವಾಳ ಇತ್ಯಾದಿ ಅಗತ್ಯಗಳಿಗೆ ಕಿರು ಅವಧಿಯ ಸಾಲರೂಪದಲ್ಲಿ ನೀಡಲಾಗಿದೆ. 3,595 ಕೋಟಿ ರೂ. ದೀರ್ಘ ಅವಧಿ ಸಾಲ ರೂಪದಲ್ಲಿ ಕೃಷಿ, ಕೃಷಿಯೇತರ ತತ್ಸಂಬಂಧಿ ವಲಯಕ್ಕೆ, ಎಂ.ಎಸ್.ಎಂ.ಇ.ವಲಯಕ್ಕೆ ಮಂಜೂರು ಮಾಡಲಾಗಿದೆ. ಗ್ರಾಮಟ್ ಆರ್ಥಿಕ ಸಹಾಯ ರೂಪದಲ್ಲಿ ಬ್ಯಾಂಕ್ ಗಳಿಗೆ, ಸರ್ಕಾರೇತರ ಸ್ವಯಂ ಸೇವಾ ಸಂಘಟನೆಗಳಿಗೆ , ರಾಜ್ಯ ಕುಟುಂಬಶ್ರೀ ಮಿಷನ್ ಮುಖಾಂತರ ನಬಾರ್ಡ್ 30 ಕೋಟಿ ರೂ. ವಿವಿಧ ವಲಯಗಳ ಅಭಿವೃದ್ಧಿ ಚಟುವಟಿಕೆಗಳಿಗಾಗಿ ವಿತರಿಸಲಾಗಿದೆ. 

             ಕಾಸರಗೋಡು, ಪಾಲಕ್ಕಾಡ್, ವಯನಾಡು ಜಿಲ್ಲೆಗಳ ಜಲಾಶಯಗಳ ಅಭಿವೃದ್ಧಿಯೋಜನೆಗಳಿಗಾಗಿ 12 ಕೋಟಿ ರೂ. ನೀಡಲಾಗಿದೆ. ಫೀನಾನ್ಶಿಯಲ್ ಇನ್ ಕ್ಯೂಷನ್ ಫಂಡ್ ನಿಂದ ಕೇರಳ ಸಹಕಾರಿ ಬ್ಯಾಂಕ್,ಕೇರಳ ಗ್ರಾಮೀಣ ಬ್ಯಾಂಕ್ ಇತ್ಯಾದಿಗಳಿಗೆ ಮೊಬೈಲ್ ವ್ಯಾನ್ ಗಳಿಗೆ, ಮೈಕ್ರೋ ಎ.ಟಿ.ಎಂ. ಗಳಿಗೆ ನೀಡಲಾದ 4 ಕೋಟಿ ರೂ.ಆರ್ಥಿಕ ಸಹಾಯ ಕೂಡ ಇದರಲ್ಲಿ ಒಳಗೊಂಡಿದೆ.