ಮಂಜೇಶ್ವರ: ಕೇರಳ-ಕರ್ನಾಟಕ ಗಡಿಪ್ರದೇಶವಾದ ಮಂಜೇಶ್ವರ ಅಬಕಾರಿ ಚೆಕ್ ಪೋಸ್ಟ್ ಅಭಿವೃದ್ದಿಯಿಲ್ಲದೆ ಶೋಚನೀಯವಸ್ಥೆಯಿಂದ ಇಲ್ಲಿನ ಉದ್ಯೋಗಸ್ಥರು ಸಂಕಷ್ಟಕ್ಕೀಡಾಗಿದ್ದಾರೆ. ಚೆಕ್ ಪೋಸ್ಟ್ ನಲ್ಲಿ ಅಧಿಕಾರಿಗಳಿಗೆ ತಪಾಸಣೆ ಮಾಡಲು ಸರಿಯಾದ ವ್ಯವಸ್ಥೆಯಿಲ್ಲ.
ಅಬಕಾರಿ ಕಚೇರಿ ಶೋಚನೀಯವಸ್ಥೆಯಲ್ಲಿರುವ ಕಂಟೈನರ್‍ನಲ್ಲಿ ಕಾರ್ಯಾಚರಿಸುತ್ತಿದೆ. ಈ ಕಂಟೈನರ್ ನ ಮೇಲ್ಭಾಗದಲ್ಲಿ ಹಲವು ಮರಗಳು ಅಪಾಯದ ಸ್ಥಿತಿಯಲ್ಲಿದೆ. ಇಲ್ಲಿ ವಾಹನ ತಪಾಸಣೆಗೆ ಏಣಿ ಹಾಗೂ ಕಬ್ಬಿಣದ ಸಲಾಖೆಗಳು ಮಾತ್ರವೇ ಇದ್ದು, ತಪಾಸಣೆಗೆ ವ್ಯವಸ್ಥಿತ ಉಪಕರಣಗಳಿಲ್ಲ. ಅಧಿಕಾರಿಗಳು ವಾಹನ ತಪಾಸಣೆಗಾಗಿ ಕುಳಿತುಕೊಳ್ಳುವ ಎರಡು ಟರ್ಪಾಲಿನ ಶೆಡ್ಡ್ ಮಳೆಗೆ ಸೋರುತ್ತಿದೆ. ಹಲವಾರು ವರ್ಷಗಳಿಂದ ಕಾರ್ಯಚರಿಸುತ್ತಿರುವ ಈ ಅಬಕಾರಿ ಚೆಕ್ ಪೋಸ್ಟ್ ಯಾವುದೆ ಅಭಿವೃದ್ದಿಯಿಲ್ಲದೆ ಇರುವುದು ಅಧಿಕಾರಿಗಳ ಅನಾಸ್ಥೆ ಕಾರಣವೆಂದು ಸಾರ್ವಜನಿಕರು ಆರೋಪಿಸಿದ್ದಾರೆ.
ಕರ್ನಾಟಕ ಸಹಿತ ವಿವಿಧ ಭಾಗದಿಂದ ಕೇರಳಕ್ಕೆ ವ್ಯಾಪಕವಾಗಿ ಸಾಗಾಟ ನಡೆಸುತ್ತಿದ್ದ ಗಾಂಜಾ, ಮದ್ಯ, ಹೊಗೆಸೊಪ್ಪು ಉತ್ಪನ್ನಗಳ ಸಹಿತ ಭಾರೀ ಪ್ರಮಾಣದ ಮಾದಕ ವಸ್ತುಗಳನ್ನು ಈ ಚೆಕ್ ಪೋಸ್ಟ್ ನಲ್ಲಿ ಸೂಕ್ಷ್ಮ ತಪಾಸಣೆಯಲ್ಲಿ ಈ ಹಿಂದೆ ಅಧಿಕಾರಿಗಳು ವಶಪಡಿಸಿದ್ದಾರೆ. ಆದರೆ ಇಲ್ಲಿಂದ ಸಾಗುವ ವಾಹನಗಳನ್ನು ತಡೆದು ನಿಲ್ಲಿಸಲು ಗೇಟ್ ಅಥವಾ ಪರಾರಿಯದಲ್ಲಿ ಅದನ್ನು ಬೆನ್ನಟ್ಟಲು ವ್ಯವಸ್ಥಿತ ರೀತಿಯ ವಾಹನಗಳಿಲ್ಲದೆ ಸಮಸ್ಯೆಗೀಡಾಗುತ್ತಿದ್ದಾರೆ. ಈ ಚೆಕ್ ಪೋಸ್ಟ್ ನೆಲೆ ನಿಲ್ಲುವುದು ಅತ್ಯಗತ್ಯವಾಗಿದ್ದು, ಅಬಕಾರಿ ಕಚೇರಿಯನ್ನು ಅಭಿವೃದ್ದಿಗೊಳಿಸಿ ಉನ್ನತ ಮಟ್ಟಕ್ಕೇರಿಸಬೇಕೆಂದು ಸಾರ್ವಜನಿಕರು ಒತ್ತಾಯಿಸಿದ್ದಾರೆ.
DOCTYPE html>
