ವಯನಾಡ್ ಜಿಲ್ಲಾ ಎಸ್.ಎಫ್.ಐ ಸಮಿತಿ ವಿಸರ್ಜನೆ; ರಾಹುಲ್ ಗಾಂಧಿ ಕಚೇರಿ ಮೇಲೆ ದಾಳಿಗೆ ಕ್ರಮ

                  ವಯನಾಡ್: ಎಸ್ ಎಫ್ ಐ ವಯನಾಡ್ ಜಿಲ್ಲಾ ಸಮಿತಿಯನ್ನು ವಿಸರ್ಜಿಸಲಾಗಿದೆ. ವಯನಾಡ್ ಸಂಸದ ರಾಹುಲ್ ಗಾಂಧಿ ಕಚೇರಿ ಮೇಲೆ ನಡೆದ ದಾಳಿ ಪ್ರಕರಣದಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ. ನಿರ್ಧಾರ ರಾಜ್ಯ ಸಮಿತಿಯ ನಿರ್ದೇಶಾನುಸಾರವಾಗಿದೆ. ಏಳು ಸದಸ್ಯರ ಅಡೋರ್ ಸಮಿತಿಯನ್ನು ಕಾರ್ಯದೊಂದಿಗೆ ಬದಲಾಯಿಸಲಾಯಿತು.

            ಎಸ್ ಎಫ್ ಐ ಜಿಲ್ಲಾ ಜಂಟಿ ಕಾರ್ಯದರ್ಶಿಯಾಗಿ ಕಾರ್ಯನಿರ್ವಹಿಸುತ್ತಿದ್ದ ಎಲ್ದೋಸ್ ಮಥಾಯಿ ಸಂಚಾಲಕರಾಗಿ ತಾತ್ಕಾಲಿಕ ಸಮಿತಿ ರಚಿಸಲಾಗಿದೆ. ವಯನಾಡು ಜಿಲ್ಲೆಯ ಮುಖಂಡರನ್ನು ತಾತ್ಕಾಲಿಕ ಸಮಿತಿಯಲ್ಲಿ ಸೇರಿಸಲಾಗಿದೆ. ರಾಜ್ಯ ನಾಯಕತ್ವ ಸಮಿತಿಯ ಮೇಲೆ ನಿಗಾ ಇಡಲಿದೆ. ಕಳೆದ ಒಂದು ದಶಕದಲ್ಲಿ  ಎಸ್‍ಎಫ್‍ಐ ಜಿಲ್ಲಾ ಸಮಿತಿಯೊಂದನ್ನು ಇದೇ ಮೊದಲಬಾರಿ  ವಿಸರ್ಜಿಸಿ ಶಿಸ್ತು ಕ್ರಮ ಕೈಗೊಳ್ಳಬೇಕಾದ ಅನಿವಾರ್ಯತೆ ಎದುರಾಗಿದೆ.

              ಎಸ್ ಎಫ್ ಐ ರಾಜ್ಯ ಸಮಿತಿಗೆ ತಿಳಿಯದಂತೆ ಜೂ.25ರಂದು ಸಂಸದ ರಾಹುಲ್ ಗಾಂಧಿ ಅವರ ಕಚೇರಿಗೆ ಪಾದಯಾತ್ರೆ ನಡೆಸಿ ಇಡೀ ಪಾದಯಾತ್ರೆ ಸಂಘಟನೆಗೆ ಕಳಂಕ ತರುವ ರೀತಿಯಲ್ಲಿ ಆಕ್ರೋಶ ವ್ಯಕ್ತಪಡಿಸಿ ದಾಳಿ ನಡೆಸಲಾದ ಸಂಬಂಧ ಕ್ರಮ ಕೈಗೊಳ್ಳಲಾಗಿದೆ ಎಂದು ಪತ್ರಿಕಾ ಪ್ರಕಟಣೆಯಲ್ಲಿ ವಿವರಿಸಲಾಗಿದೆ. 

                 ಕಳೆದ ತಿಂಗಳು 25ರಂದು ಕಲ್ಪೆಟ್ಟದಲ್ಲಿರುವ ರಾಹುಲ್ ಗಾಂಧಿ ಸಂಸದರ ಕಚೇರಿ ಮೇಲೆ ಎಸ್‍ಎಫ್‍ಐ ದಾಳಿ ನಡೆದಿತ್ತು. ಕಾರ್ಯಕರ್ತರು ಕಚೇರಿಗೆ ನುಗ್ಗಿ ವಸ್ತುಗಳನ್ನು ಒಡೆದು ಹಾಕಿದ್ದರು. ಎಸ್‍ಎಫ್‍ಐ ಕಾರ್ಯಕರ್ತರು ಸಂಸದರ ಕಚೇರಿಯ ಶಟರ್ ಒಡೆದಿದ್ದಾರೆ. ಬಾಗಿಲು ಮುರಿದು ಕಡತಗಳನ್ನು ಎಸೆದು ಕುರ್ಚಿಗಳ ಮೇಲೆ ಬಾಳೆಹಣ್ಣು ಇಟ್ಟು ಪ್ರತಿಭಟನೆ ಅಂತ್ಯಗೊಳಿಸಿದ್ದರು.