ಮೆಟ್ರೋ ಪ್ರಯಾಣಿಕರ ಸಂಖ್ಯೆಯಲ್ಲಿ ಭಾರೀ ಹೆಚ್ಚಳ; ಭಾನುವಾರದಿಂದ ಸೇವಾ ಸಮಯ ಬದಲಾವಣೆ: ವಿದ್ಯಾರ್ಥಿಗಳಿಗೆ ವಿಶೇಷ ಕೊಡುಗೆ ಘೋಷಿಸಿದ ಕೊಚ್ಚಿ ಮೆಟ್ರೋ

            ಎರ್ನಾಕುಳಂ: ಮೆಟ್ರೋದಲ್ಲಿ ಪ್ರಯಾಣಿಕರ ಸಂಖ್ಯೆಯಲ್ಲಿ ಭಾರೀ ಏರಿಕೆಯಾಗಿದೆ. ದೈನಂದಿನ ಸರಾಸರಿ 80,000 ಪ್ರಯಾಣಿಕರಿಂದ ಈ ತಿಂಗಳು 90,000 ಕ್ಕೆ ಹೆಚ್ಚಳವಾಗಿದೆ. 

           ಪ್ರಯಾಣಿಕರ ಸಂಖ್ಯೆ ಮತ್ತು ದಟ್ಟಣೆಯನ್ನು ಪರಿಗಣಿಸಿ ಕೊಚ್ಚಿ ಮೆಟ್ರೋ ಸೇವೆಯು ಭಾನುವಾರದಿಂದ ಬೆಳಿಗ್ಗೆ 7.30 ರಿಂದ ಪ್ರಾರಂಭವಾಗಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು. ಮೊದಲು ಎಂಟು ಗಂಟೆಯಿಂದ ಆರಂಭಗೊಳ್ಳುತ್ತಿತ್ತು.

          ಒಂಬತ್ತು ದಿನಗಳಲ್ಲಿ ಪ್ರಯಾಣಿಕರ ಸಂಖ್ಯೆ ಒಂದು ಲಕ್ಷ ದಾಟಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ. ಕಳೆದ ವಾರ ಸೇವೆಯ ಬಗ್ಗೆ ಆನ್‍ಲೈನ್ ಸಮೀಕ್ಷೆಯನ್ನು ಆಯೋಜಿಸಲಾಗಿತ್ತು.  ಇದರ ಆಧಾರದ ಮೇಲೆ ಹೊಸ ವೇಳಾಪಟ್ಟಿಯನ್ನು ನಿಗದಿಪಡಿಸಲಾಗಿದೆ. ಶಾಲೆಗಳ ಆರಂಭಕ್ಕೆ ಸಂಬಂಧಿಸಿದಂತೆ ಕೊಚ್ಚಿ ಮೆಟ್ರೋ ಕೂಡ ವಿದ್ಯಾರ್ಥಿಗಳಿಗೆ ವಿಶೇಷ ಕೊಡುಗೆಗಳನ್ನು ಸಿದ್ಧಪಡಿಸಿದೆ.

         900 ರೂ.ಗೆ ತಿಂಗಳಿಗೆ ಅನಿಯಮಿತ ಪ್ರಯಾಣಕ್ಕಾಗಿ ವಿದ್ಯಾ 30 ಕಾರ್ಡ್ ಅನ್ನು ಸಹ ಬಿಡುಗಡೆ ಮಾಡಲಾಗಿದೆ. ಯೋಜನೆಗೆ ಸೇರುವವರಿಗೆ 450 ರೂಗಳಿಗೆ ಮೈಬೈಕ್‍ನ ಮಾಸಿಕ ಪ್ಯಾಕೇಜ್ ಸಿಗುತ್ತದೆ. ಇತರರಿಗೆ 699 ರೂ. 23ರಂದು ಕಾಲೂರು ಸ್ಟೇಡಿಯಂ ನಿಲ್ದಾಣದಿಂದ ಅಭಿಯಾನಕ್ಕೆ ನೋಂದಣಿ ಮಾಡಿಕೊಳ್ಳುವ ವಿದ್ಯಾರ್ಥಿಗಳಿಗೆ ಈ ಕೊಡುಗೆ ನೀಡಲಾಗಿದೆ.