ಕೃಷಿ ಉಪಯೋಗಕ್ಕಾಗಿ ನಿರ್ಮಿಸಲಾದ ಕೆರೆಗಳ ಲೋಕಾರ್ಪಣೆ

 

               ಕಾಸರಗೋಡು: ಸರ್ಕಾರದ ನೂರು ದಿವಸಗಳ ಕ್ರಿಯಾ ಯೋಜನೆಗಳಲ್ಲಿ ಒಳಪಡಿಸಿ  ಬೇಡಡ್ಕ ಗ್ರಾಮ ಪಂಚಾಯಿತಿಯಲ್ಲಿ ನಿರ್ಮಿಸಲಾದ ಕೆರೆಗಳನ್ನು ಲೋಕಾರ್ಪಣೆಗೈಯಲಾಯಿತು. ಬೇಡಡ್ಕ ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ಎಂ.ಧನ್ಯಾ ನೂತನ ಕೆರೆಗಳನ್ನು ಉದ್ಘಾಟಿಸಿದರು. ನಾಡಿನ ಕೃಷಿ ಅಗತ್ಯಗಳಿಗಾಗಿ ಉದ್ಯೋಗಖಾತ್ರಿ ಯೋಜನೆಯನ್ವಯ ಹದಿನೇಳು ಮತ್ತು ಹದಿಮೂರನೇ ವಾರ್ಡ್‍ಗಳಲ್ಲಿ ಕೆರೆಗಳನ್ನು ನಿರ್ಮಿಸಲಾಗಿದೆ. ಪ್ರತಿ ಕೆರೆ ನಿರ್ಮಾಣಕ್ಕೆ 1.40ಲಕ್ಷ ರೂ. ವೆಚ್ಚ ಮಾಡಲಾಗಿದೆ. ಗ್ರಾಮ ಪಂಚಾಯಿತಿ ಆರೋಗ್ಯ ಶಿಕ್ಷಣ ಸ್ಥಾಯಿ ಸಮಿತಿ ಅಧ್ಯಕ್ಷ ಪಿ. ವಸಂತಕುಮಾರಿ,   ಹದಿಮೂರನೇ ವಾರ್ಡ್ ಸದಸ್ಯ ಎಂ.ತಂಬಾನ್, ಸಹಾಯಕ ಕಾರ್ಯದರ್ಶಿ ಶಿವನ್‍ಕುಟ್ಟಿ, ಉದ್ಯೋಗ ಖಾತ್ರಿ ಕಾರ್ಮಿಕರು, ಮೇಲ್ವಿಚಾರಣಾ ಸಮಿತಿ ಸದಸ್ಯರು, ಉದ್ಯೋಗ ಖಾತ್ರಿ ಯೋಜನೆಯ ನೌಕರರು ಮೊದಲಾದವರು ಭಾಗವಹಿಸಿದ್ದರು.