ಮಧೂರು ಕ್ಷೇತ್ರದಲ್ಲಿ ಭಕ್ತಿ ಸಂಭ್ರಮದ ಬೆಡಿ ಮಹೋತ್ಸವ

ಮಧೂರು : ಕುಂಬಳೆ ಸೀಮೆಯ ಇತಿಹಾಸ ಪ್ರಸಿದ್ಧ ಮಧೂರು ಶ್ರೀ ಮದನಂತೇಶ್ವರ ಸಿದ್ದಿವಿನಾಯಕ ದೇವಸ್ಥಾನದ ವಾರ್ಷಿಕ ಬೆಡಿ ಉತ್ಸವ ಬುಧವಾರ ಅದ್ದೂರಿಯಾಗಿ ನೆರವೇರಿತು.  ಶ್ರೀದೇವರ ಬಲಿ ಉತ್ಸವದ ನಂತರ ಸಂಜೆ ಮೂಲಸ್ಥಾನ ಉಳಿಯತ್ತಡ್ಕಕ್ಕೆ ಶ್ರೀದೇವರ ಘೋಷಯಾತ್ರೆ ತಾಲೀಮು ಪ್ರದರ್ಶನದೊಂದಿಗೆ ತೆರಳಿತು.  ಮೂಲಸ್ಥಾನದಲ್ಲಿ ಕಟ್ಟೆಪೂಜೆ, ನಂತರ ಮಧೂರು ಬೆಡಿಕಟ್ಟೆಯಲ್ಲಿ ಕಟ್ಟೆಪೂಜೆ, ಸಾಂಪ್ರದಾಯಿಕ ಸುಡುಮದ್ದು ಪ್ರದರ್ಶನ, ಶಯನ, ಕವಾಟ ಬಂಧನ ನಡೆಯಿತು. 

ಬೆಳಗ್ಗೆ  ದೀಪೋತ್ಸವ, ದರ್ಶನ ಬಲಿ, ತುಲಾಭಾರ ಸೇವೆ ನೆರವೇರಿತು.  ಶ್ರೀದೇವರ ಅವಭೃತ ಸ್ನಾನದ ಅಂಗವಾಗಿ ಗುರುವಾರ ಬೆಳಗ್ಗೆ ಕವಾಟೋದ್ಘಾಟನೆ, ತುಲಾಭಾರ ಸೇವೆ, ಸಂಜೆ  ತಾಯಂಬಕ, ದೀಪಾರಾಧನೆ, ರಾತ್ರಿ ಶ್ರೀದೇವರ ಉತ್ಸವಬಲಿ, ವಿಶೇಷ ವಿದ್ಯುದ್ದೀಪಾಲಂಕಾರಗೊಂಡ ಶ್ರೀಕ್ಷೇತ್ರದ ಕೆರೆಯಲ್ಲಿ  ಶ್ರೀದೇವರ ಅವಭೃತ ಸ್ನಾನ ನಡೆಯಿತು.