ಪೆರಿಯ ಕೇರಳ ಕೇಂದ್ರೀಯ ವಿಶ್ವವಿದ್ಯಾಲಯ: ಯುಜಿ, ಐಟಿಇಪಿ ನೋಂದಣಿ ವಿಸ್ತರಣೆ

ಕಾಸರಗೋಡು: ಪೆರಿಯದ ಕೇಂದ್ರೀಯ ವಿಶ್ವವಿದ್ಯಾಲಯವು ನಾಲ್ಕು ವರ್ಷಗಳ ಇಂಟಿಗ್ರೇಟೆಡ್ ಟೀಚರ್ ಎಜುಕೇಶನ್ ಪ್ರೋಗ್ರಾಂ (ಐಟಿಇಪಿ) ಮತ್ತು ನಾಲ್ಕು ವರ್ಷಗಳ ಆನರ್ಸ್ ಪದವಿ ಕಾರ್ಯಕ್ರಮಗಳಿಗೆ ನೋಂದಣಿಯನ್ನು ಆಗಸ್ಟ್ 3 ರವರೆಗೆ ವಿಸ್ತರಿಸಿದೆ.

ಐಟಿಇಪಿಗಾಗಿ ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (ಎನ್‍ಟಿಎ) ನಡೆಸಿದ ರಾಷ್ಟ್ರೀಯ ಸಾಮಾನ್ಯ ಪ್ರವೇಶ ಪರೀಕ್ಷೆ (ಎನ್‍ಸಿಇಟಿ)ಯಲ್ಲಿ ಹಾಜರಾದವರು ಮತ್ತು ಪದವಿ ಕಾರ್ಯಕ್ರಮಗಳಿಗಾಗಿ ಎನ್‍ಟಿಎಯ ಸಾಮಾನ್ಯ ಪ್ರವೇಶ ಪರೀಕ್ಷೆ (ಸಿಯುಇಟಿ-ಯುಜಿ)ಯಲ್ಲಿ ಹಾಜರಾದವರು ವಿಶ್ವವಿದ್ಯಾಲಯದ ವೆಬ್‍ಸೈಟ್ www.cukerala.ac.in ಗೆ ಭೇಟಿ ನೀಡಿ ನೋಂದಾಯಿಸಿಕೊಳ್ಳಬಹುದು.

ವಿಶ್ವವಿದ್ಯಾಲಯವು ಬಿಎಸ್ಸಿ ಬಿಇಡಿ (ಭೌತಶಾಸ್ತ್ರ), ಬಿಎಸ್ಸಿ ಬಿಇಡಿ (ಪ್ರಾಣಿಶಾಸ್ತ್ರ), ಬಿಎ ಬಿಇಡಿ (ಇಂಗ್ಲಿಷ್), ಬಿಎ ಬಿಇಡಿ (ಅರ್ಥಶಾಸ್ತ್ರ), ಮತ್ತು ಬಿಕಾಂ ಬಿಇಡಿ ಐಟಿಇಪಿ ಕಾರ್ಯಕ್ರಮಗಳು ಮತ್ತು ಬಿಎಸ್ಸಿ (ಆನರ್ಸ್) ಜೀವಶಾಸ್ತ್ರ, ಬಿಕಾಂ (ಆನರ್ಸ್) ಹಣಕಾಸು ವಿಶ್ಲೇಷಣೆ, ಬಿಸಿಎ (ಆನರ್ಸ್) ಮತ್ತು ಬಿಎ (ಆನರ್ಸ್) ಅಂತರರಾಷ್ಟ್ರೀಯ ಸಂಬಂಧ ಪದವಿ ಕಾರ್ಯಕ್ರಮಗಳನ್ನು ನೀಡುತ್ತದೆ. ತಾತ್ಕಾಲಿಕ ರ್ಯಾಂಕ್ ಪಟ್ಟಿಯನ್ನು ಆಗಸ್ಟ್ 6 ರಂದು ವೆಬ್‍ಸೈಟ್‍ನಲ್ಲಿ ಪ್ರಕಟಿಸಲಾಗುವುದು.

ಆಗಸ್ಟ್ 7 ರೊಳಗೆ ದೂರುಗಳನ್ನು ಚಿಜmissioಟಿs@ಛಿuಞeಡಿಚಿಟಚಿ.ಚಿಛಿ.iಟಿ ಗೆ ಸಲ್ಲಿಸಬಹುದು. ಮೊದಲ ಹಂತದ ಪ್ರವೇಶ ಆಗಸ್ಟ್ 8 ರಿಂದ 11 ರವರೆಗೆ, ಎರಡನೇ ಹಂತ ಆಗಸ್ಟ್ 12 ರಿಂದ 15 ರವರೆಗೆ ಮತ್ತು ಮೂರನೇ ಹಂತ ಆಗಸ್ಟ್ 18 ರಿಂದ 20 ರವರೆಗೆ ನಡೆಯಲಿದೆ. ತರಗತಿಗಳು ಆಗಸ್ಟ್ 21 ರಿಂದ ಪ್ರಾರಂಭವಾಗುತ್ತವೆ. ಹೆಚ್ಚಿನ ಮಾಹಿತಿಗಾಗಿ, ವೆಬ್‍ಸೈಟ್‍ಗೆ ಭೇಟಿ ನೀಡಿ. ಸಹಾಯವಾಣಿ: 0467 2309460/2309467