ಜಗತ್ತನ್ನೇ ನಿಬ್ಬೆರಗಾಗಿಸಿದ ಚೀನಾದ ಹ್ಯುಮನಾಯ್ಡ್ ರೋಬೋಟ್ ಗಳು!

ಚೀನಾದ ಸ್ಪ್ರಿಂಗ್ ಫೆಸ್ಟಿವಲ್ ಕಾರ್ಯಕ್ರಮದಲ್ಲಿ ಹ್ಯುಮನಾಯ್ಡ್ ರೋಬೋಟ್ ಗಳ ನೃತ್ಯ ಮತ್ತು ಸಮರ ಕಲೆ ಪ್ರದರ್ಶನದ ವೀಡಿಯೋಗಳು ವೈರಲ್ ಆಗಿವೆ.

ಚೀನಾ ಸರ್ಕಾರದ ಅಧಿಕೃತ ಮಾಧ್ಯಮ ಸಂಸ್ಥೆಯಾಗಿರುವ ಸಿಸಿಟಿವಿ ಇತ್ತೀಚೆಗೆ ಆಯೋಜಿಸಿದ್ದ 2026ರ ಸ್ಪ್ರಿಂಗ್ ಫೆಸ್ಟಿವಲ್ ಗಾಲಾ ಕಾರ್ಯಕ್ರಮವು ವೈರಲ್ ಆಗಿದೆ.

 ಅದಕ್ಕೆ ಮುಖ್ಯ ಕಾರಣ ಕಾರ್ಯಕ್ರಮದಲ್ಲಿ ಚೀನೀ ಕಂಪನಿಗಳು ತಮ್ಮ ಅತ್ಯುತ್ತಮ ಹ್ಯೂಮನಾಯ್ಡ್ ರೋಬೋಟ್ಗಳನ್ನು ಪ್ರದರ್ಶಿಸಿರುವುದು. ಸಮರ ಕಲೆಗಳಿಂದ ಸಂಕೀರ್ಣ ನೃತ್ಯ ಚಲನೆಗಳವರೆಗೆ ಇಡೀ ಕಾರ್ಯಕ್ರಮವು ರೋಬೋಟ್ಗಳೊಂದಿಗೆ ಭವಿಷ್ಯ ಹೇಗಿರಬಹುದು ಎಂಬುದನ್ನು ಪ್ರದರ್ಶಿಸಿದೆ.

2 ದಶಲಕ್ಷಕ್ಕೂ ಕಡಿಮೆ ಜನರು ಇರುವ ಯಿವು ಪಟ್ಟಣದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಮ್ಯಾಜಿಕ್ ಲ್ಯಾಬ್ಸ್, ಯುನಿಟ್ರೀ ರೋಬೋಟಿಕ್ಸ್, ನೋಯೆಟಿಕ್ಸ್ ರೋಬೋಟಿಕ್ಸ್ ಮತ್ತು ಬೀಜಿಂಗ್ ಗಾಲ್ಬೋಟ್ಗಳಂತಹ ದೊಡ್ಡ ರೊಬೋಟಿಕ್ಸ್ ಕಂಪನಿಗಳು ಹ್ಯುಮನಾಯ್ಡ್ ಸಂಶೋಧನೆಯಲ್ಲಿ ತಮ್ಮ ಇತ್ತೀಚೆಗಿನ ತಂತ್ರಜ್ಞಾನವನ್ನು ಪ್ರದರ್ಶಿಸಿವೆ.

► ಸಮರ ಕಲೆ ಪ್ರದರ್ಶಿಸಿದ ರೋಬೋಟ್ಗಳು

ಯುನಿಟ್ರೀ ರೋಬೋಟಿಕ್ಸ್ ಇದೀಗ ಸತತವಾಗಿ ಮೂರನೇ ಬಾರಿ ಸ್ಪ್ರಿಂಗ್ ಫೆಸ್ಟಿವಲ್ ಕಾರ್ಯಕ್ರಮದಲ್ಲಿ ಭಾಗವಹಿಸಿದೆ. ಕಂಪನಿಯ G1 ಮತ್ತು H2 ಹ್ಯುಮನಾಯ್ಡ್ ರೋಬೋಟ್ಗಳು WuBOT ಎನ್ನುವ ಸಮರ ಕಲೆಗಳ-ವಿಷಯದ ಪ್ರದರ್ಶನದಲ್ಲಿ ಭಾಗವಹಿಸಿದ್ದವು. ಈ ರೋಬೋಟ್ಗಳು ಸಮರ ಕಲೆಯ ಕಲಾವಿದರ ಜೊತೆಗೂಡಿ ಅನೇಕ ನೃತ್ಯ ಕಲೆಗಳನ್ನು ಪ್ರದರ್ಶಿಸಿವೆ. ಜೊತೆಗೆ ಕುದುರೆಯ ಭಂಗಿಗಳು ಮತ್ತು ಪಲ್ಟಿ ಹೊಡೆದು ತೋರಿಸುವುದು ಮತ್ತು ಇತರ ಕಷ್ಟಕರವಾದ ಕಲೆಗಳನ್ನು ಪ್ರದರ್ಶಿಸಿವೆ.

► ಅತ್ಯಾಧುನಿಕ ತಂತ್ರಜ್ಞಾನದ ಪ್ರದರ್ಶನ

ಪ್ರದರ್ಶನವು 4 ನಿಮಿಷಕ್ಕಿಂತ ಹೆಚ್ಚು ಸಮಯ ಸಾಗಿತ್ತು. ಎಲ್ಲಾ ರೋಬೋಟ್ಗಳು ಸರಾಗವಾಗಿ ಚಲಿಸಿವೆ. ಚೀನಾದಲ್ಲಿ ತಂತ್ರಜ್ಞಾನ ಎಷ್ಟು ಮುಂದುವರಿದಿದೆ ಎನ್ನುವುದನ್ನು ಈ ಕಾರ್ಯಕ್ರಮ ಪ್ರಸ್ತುತಪಡಿಸಿದೆ. ಚಲನೆಗೆ ಮಾತ್ರವಲ್ಲ, ಸಮತೋಲನ ಮತ್ತು ಸಮನ್ವಯದಲ್ಲೂ ಈ ರೋಬೋಟ್ಗಳು ಚೆನ್ನಾಗಿ ಪ್ರದರ್ಶನ ನೀಡಿವೆ.

ಇದೊಂದು ಪ್ರದರ್ಶನ ಮಾತ್ರವಾಗಿರಲಿಲ್ಲ. ಇನ್ನೂ ಹೆಚ್ಚಿನ ರೋಬೋಟ್ಗಳು ಇದ್ದವು. ಮ್ಯಾಜಿಕ್ ಲ್ಯಾಬ್ ನ MagicBot Z1 ರೋಬೋಟ್ ಸಂಪೂರ್ಣವಾಗಿ 360 ಡಿಗ್ರಿ ತಿರುಗುವುದನ್ನು ಪೂರ್ಣಗೊಳಿಸುವಲ್ಲಿ ಯಶಸ್ವಿಯಾಗಿದೆ. ನೋಯೆಟಿಕ್ಸ್ ರೋಬೋಟಿಕ್ಸ್ ಹಾಸ್ಯ ರೇಖಾ ಚಿತ್ರದಲ್ಲಿ ಭಾಗವಹಿಸಿದೆ. ರೋಬೋಟ್ಗಳು 12 ಚದರ ಮೀಟರ್ ಒಳಗೆ ಸೈಡ್ ಫ್ಲಿಪ್ಗಳು ಮತ್ತು ಬ್ಯಾಕ್ ಫ್ಲಿಪ್ಗಳಂತಹ ಚಲನೆಗಳನ್ನು ಪ್ರದರ್ಶಿಸಿವೆ.

ಕಾರ್ಯಕ್ರಮದಲ್ಲಿ ಹ್ಯುಮನಾಯ್ಡ್ ರೋಬೋಟ್ಗಳ ಕ್ಲಸ್ಟರ್ಡ್ ಡಿಸ್ಪ್ಲೇ ಮೂಲಕ ಚೀನಾ ಚಲನೆಯ ನಿಯಂತ್ರಣ, ಸಮತೋಲನ ಆಲ್ಗಾರಿದಂಗಳು ಮತ್ತು ನೈಜ ಜಗತ್ತಿನ ಮಾನವ-ರೋಬೋಟ್ ಸಂವಹನದಲ್ಲಿ ವ್ಯಾಪಕರ ಪ್ರಗತಿಯನ್ನು ಪ್ರದರ್ಶಿಸಿದೆ.

ಪಾಶ್ಚಾತ್ಯ ಕಂಪನಿಗಳಾದ ಟೆಸ್ಲಾದ ಆಪ್ಟಿಮಸ್ ಮತ್ತು ನಿಯೊ ಇನ್ನೂ ಅಭಿವೃದ್ಧಿಯ ಹಂತದಲ್ಲಷ್ಟೇ ಇವೆ. ಅದೇ ಸಂದರ್ಭದಲ್ಲಿ ಚೀನಾ ವ್ಯಾಪಕ ಅತ್ಯಾಧುನಿಕ ಹ್ಯುಮನಾಯ್ಡ್ ರೋಬೋಟ್ಗಳ ನಿರ್ಮಾಣಕ್ಕೆ ಇಳಿದಿರುವುದನ್ನು ಈ ಕಾರ್ಯಕ್ರಮ ತೋರಿಸಿದೆ.