ಹೈಕೋರ್ಟ್, ಮುಷ್ಕರ, ಕೇಂದ್ರ ಹಸ್ತಕ್ಷೇಪ: ಟೋಲ್ ಪ್ಲಾಜಾ ಮುಚ್ಚಿರುವುದು ಯಾರಿಗೆ ಲಾಭ?; ಕ್ರೆಡಿಟ್ ವಾರ್‍ನಲ್ಲಿ ಬಿಜೆಪಿ ಮತ್ತು ಕ್ರಿಯಾ ಸಮಿತಿ

ಕುಂಬಳೆ: ರಾಷ್ಟ್ರೀಯ ಹೆದ್ದಾರಿ ಅರಿಕ್ಕಾಡಿಯಲ್ಲಿರುವ ಟೋಲ್ ಪ್ಲಾಜಾ ಕೊನೆಗೂ ಮುಚ್ಚುಗಡೆಗೊಳಿಸುವ ಬಗ್ಗೆ ಈಗಾಗಲೇ ಕೇಂದ್ರ ಆದೇಶ ನೀಡಿರುವ ಮಧ್ಯೆ ಈ ಯಶಸ್ಸಿನ ಬಗ್ಗೆ ಬಿಜೆಪಿ ಮತ್ತು ಕ್ರಿಯಾ ಸಮಿತಿ ಹಕ್ಕು ಮಂಡಿಸುತ್ತಿವೆ. ಬಿಜೆಪಿ ಜಿಲ್ಲಾಧ್ಯಕ್ಷೆ ಎಂ.ಎಲ್. ಅಶ್ವಿನಿ ಅವರು ಕೇಂದ್ರ ಸರ್ಕಾರ ಟೋಲ್ ಪ್ಲಾಜಾ ಮುಚ್ಚಲು ನಿರ್ಧರಿಸಿದೆ ಎಂದು ಘೋಷಿಸಿದ್ದರು. ಈ ಮಧ್ಯೆ, ಶಾಸಕ ಎ.ಕೆ.ಎಂ. ಅಶ್ರಫ್ ನೇತೃತ್ವದ ಜನತಾ ಕ್ರಿಯಾ ಸಮಿತಿಯೂ ಮುನ್ನೆಲೆಗೆ ಬಂದಿತು. 

ಟೋಲ್ ಪ್ಲಾಜಾ ಮುಚ್ಚುವುದು ಜನಪರ ಹೋರಾಟದ ಫಲ ಎಂದು ಎ.ಕೆ.ಎಂ. ಅಶ್ರಫ್ ಪತ್ರಿಕಾಗೋಷ್ಠಿಯಲ್ಲಿ ಹೇಳಿಕೊಂಡಿರುವರು. ಅನ್ಯಾಯದ ಟೋಲ್ ಸಂಗ್ರಹವನ್ನು ಅವರು ವಿರೋಧಿಸಿದ್ದರು. ತಟ್ಟಬೇಕಾದ ಎಲ್ಲಾ ಬಾಗಿಲುಗಳನ್ನು ಅವರು ತಟ್ಟಿರುವುದಾಗಿಯೂ ಒಂದೇ ಒಂದು ಬಾಗಿಲು ತೆರೆಯದ ಹಿನ್ನೆಲೆಯಲ್ಲಿ ಜನಪರ ಕ್ರಿಯಾ ಸಮಿತಿ ರಚಿಸಲಾಯಿತು. ಬಿಜೆಪಿ ಸೇರಿದಂತೆ ಎಲ್ಲಾ ರಾಜಕೀಯ ಪಕ್ಷಗಳ ಪ್ರತಿನಿಧಿಗಳು ಸಮಿತಿಯ ಮೊದಲ ಸಭೆಗೆ ಹಾಜರಿದ್ದರು. ನೀವು ಮಿನಿಟ್ ಬುಕ್ ಪರಿಶೀಲಿಸಿದರೆ, ನಿಮಗೆ ಇದು ಅರ್ಥವಾಗುತ್ತದೆ. ನಂತರ, ಬಿಜೆಪಿ ದೂರ ಉಳಿದುಕೊಂಡಿತು. ಟೋಲ್ ಸಂಗ್ರಹದ ವಿರುದ್ಧ ಸಲ್ಲಿಸಲಾದ ಅರ್ಜಿಯು ಹೈಕೋರ್ಟ್‍ನಲ್ಲಿ ಪರಿಗಣನೆಯಲ್ಲಿರುವಾಗ ಫಾಸ್ಟ್‍ಟ್ಯಾಗ್ ಬಳಸಿ ಟೋಲ್ ಸಂಗ್ರಹವನ್ನು ಪ್ರಾರಂಭಿಸಲಾಯಿತು. ಇದರ ವಿರುದ್ಧ ಕ್ರಿಯಾ ಸಮಿತಿಯು ತನ್ನ ಪ್ರತಿಭಟನೆಯನ್ನು ಪ್ರಾರಂಭಿಸಿತು. ಜನಪರ ಕ್ರಿಯಾ ಸಮಿತಿ ಪರವಾಗಿ ತೀರ್ಪು ಹೈಕೋರ್ಟ್‍ನಲ್ಲಿ ಬರುತ್ತದೆ ಎಂದು ಅರಿತುಕೊಂಡ ನಂತರ ಕೇಂದ್ರ ಸರ್ಕಾರವು ಟೋಲ್ ಪ್ಲಾಜಾವನ್ನು ತಕ್ಷಣ ಮುಚ್ಚಬೇಕಾಯಿತು ಎಂದು ಅವರು ಹೇಳಿದರು.

ಇದೇ ವೇಳೆ, ಬಿಜೆಪಿ ತೆಗೆದುಕೊಂಡ ಮೌನ ಕ್ರಮಗಳ ಪರಿಣಾಮವಾಗಿ ಟೋಲ್ ಪ್ಲಾಜಾವನ್ನು ಮುಚ್ಚಲಾಗಿದೆ ಎಂದು ಬಿಜೆಪಿ ಜಿಲ್ಲಾಧ್ಯಕ್ಷ ಎಂ.ಎಲ್. ಅಶ್ವಿನಿ ಹೇಳಿರುವರು. ಕ್ಷೇತ್ರದ ಅಧ್ಯಕ್ಷರಿಂದ ಹಿಡಿದು ಬಿಜೆಪಿ ರಾಷ್ಟ್ರೀಯ ನಾಯಕತ್ವದವರೆಗಿನ ಜನರ ಹಸ್ತಕ್ಷೇಪದ ಪರಿಣಾಮವಾಗಿ ಟೋಲ್ ಪ್ಲಾಜಾವನ್ನು ಮುಚ್ಚುವ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಅವರು ಹೇಳಿರುವರು. ಪ್ರತಿಭಟನೆ ಅಥವಾ ಪ್ರಕರಣಗಳನ್ನು ದಾಖಲಿಸಿದ ಕಾರಣಗಳಿಂದ ಕೇಂದ್ರ ಇಂತಹ ನಿರ್ಧಾರ ತಾಳದು. ರಾಜಕೀಯ ಲಾಭಕ್ಕಾಗಿ ಅವರು ಏನು ಮಾಡಬೇಕೆಂದು ತಿಳಿಯದೆ ಸಾರ್ವಜನಿಕ ಆಸ್ತಿಯನ್ನು ನಾಶಪಡಿಸಿದರು. ಅವರು ಪ್ರತಿಭಟನೆ ನಡೆಸದಿದ್ದರೆ, ಅವರು ಅದನ್ನು ಮೊದಲೇ ಮುಚ್ಚುತ್ತಿದ್ದರು. ಸರ್ವಪಕ್ಷಗಳ ಮುಷ್ಕರ ಸಮಿತಿ ರಚಿಸಲಾಗಿದೆ ಎಂದು ಬಿಜೆಪಿಗೆ ತಿಳಿದಿಲ್ಲ. ಆಹ್ವಾನಿಸದ ಮದುವೆಗಳಿಗೆ ಬಿಜೆಪಿ ಹೋಗುವವರಲ್ಲ. ನಾವು ಜನರೊಂದಿಗೆ ಕೆಲಸ ಮಾಡುವವರು. ಶಾಸಕರು ತಮ್ಮ ಕ್ಷೇತ್ರದಲ್ಲಿ ಅಭಿವೃದ್ಧಿ ಕೆಲಸಗಳನ್ನು ಮಾಡದೆ ಟೋಲ್ ಪ್ಲಾಜಾ ಮುಚ್ಚಿಸಿದ ಕೀರ್ತಿ ಪಡೆಯಲು ಪ್ರಯತ್ನಿಸುತ್ತಿದ್ದಾರೆ ಎಂದು ಅಶ್ವಿನಿ ಹೇಳಿರುವರು. 

ಈ ಮಧ್ಯೆ ಒಂದು ತಿಂಗಳುಗಳಿಂದ ಪ್ರಯಾಣಿಕರಿಂದ ವಸೂಲಿ ಮಾಡಿದ ಟೋಲ್ ಪಾವತಿ ಮೊತ್ತ ಮರಳಿ ಹಿಂತಿರುಗಿಸುವರೇ ಎಂಬ ಬಗ್ಗೆ ಕ್ರಿಯಾ ಸಮಿತಿಯಾಗಲಿ, ಬಿಜೆಪಿಯಾಗಲಿ ಮೌನವಾಗಿದೆ. ಈ ಬಗ್ಗೆ ಬಿಜೆಪಿಯ ನೇತಾರರೊಬ್ಬರಲ್ಲಿ ಕೇಳಿದಾಗ ತಾತ್ಕಾಲಿಕವಾಗಿಯಾದರೂ ನಿರ್ಮಿಸಲಾದ ಟೋಲ್ ಪ್ಲಾಜ್ಹಾದ ಖರ್ಚನ್ನು ಯಾರು ಪಾವತಿಸುತ್ತಾರೆ.? ಅದರ ವೆಚ್ಚದ ಹಣ ಈ ಒಂದು ತಿಂಗಳ ಟೋಲ್ ಪಾವತಿಯೆಂದು ತಿಳಿಯಬಾರದೇ ಎಂದು ಕೇಳಿದ್ದು ಅವರು ಯಾರ ಪರವೆಂಬುದನ್ನು ಮನವರಿಕೆ ಮಾಡಿಕೊಟ್ಟಂತಿದೆ.

ಜೊತೆಗೆ ಟೋಲ್ ವಿರುದ್ಧ ಪ್ರತಿಭಟನೆ ವೇಳೆ ಉಂಟಾದ ಗಲಭೆಯಲ್ಲಿ ಪೋಲೀಸರು ಬಂಧಿಸಿರುವವರ ಪೈಕಿ ಹಲವರು ಈಗಲೂ ಕಾನೂನು ಪ್ರಕ್ರಿಯೆಯಲ್ಲಿದ್ದು, ಯುವಕನೋರ್ವ ಪೋಲೀಸ್ ಕಸ್ಟಡಿಯಲ್ಲಿದ್ದು, ಈ ವಿಷಯಗಳು ಮುಂದೇನಾಗುವುದು ಎಂಬ ಬಗ್ಗೆ ಗೊಂದಲಗಳಿವೆ.