ಲೆಬನಾನ್‌ ನಲ್ಲಿ ರಾತ್ರಿಯಿಂದಲೇ ಕದನ ವಿರಾಮ ಜಾರಿ?: ಇಸ್ರೇಲ್ ಮಾಧ್ಯಮ ವರದಿ

ಬೇರುತ್: ಲೆಬನಾನ್‌ ನಲ್ಲಿ ನಡೆಯುತ್ತಿರುವ ಸಂಘರ್ಷಕ್ಕೆ ವಿರಾಮ ಸಿಗುವ ಸಾಧ್ಯತೆ ಮೂಡಿದ್ದು,  ರಾತ್ರಿಯಿಂದಲೇ ಕದನ ವಿರಾಮ ಜಾರಿಯಾಗಬಹುದು ಎಂದು ಇಸ್ರೇಲಿನ ಮಾಧ್ಯಮಗಳು ವರದಿ ಮಾಡಿವೆ ಎಂದು Aljazeera ತಿಳಿಸಿದೆ. 

ಇಸ್ರೇಲ್‌ ನ 'ಹಾರೆಟ್ಜ್' ಪತ್ರಿಕೆ ವರದಿ ಪ್ರಕಾರ, ಕದನ ವಿರಾಮಕ್ಕೆ ಸಂಬಂಧಿಸಿದ ಎಲ್ಲಾ ಸಿದ್ಧತೆಗಳನ್ನು ಕೈಗೊಳ್ಳುವಂತೆ ಸೇನೆಗೆ ಸೂಚನೆ ನೀಡಲಾಗಿದೆ.

ಇದರಿಂದಾಗಿ ಗಡಿ ಪ್ರದೇಶಗಳಲ್ಲಿ ಉದ್ವಿಗ್ನತೆ ತಗ್ಗುವ ನಿರೀಕ್ಷೆ ವ್ಯಕ್ತವಾಗಿದೆ.

ಲೆಬನಾನ್ ಅಧ್ಯಕ್ಷ ಮಿಶೆಲ್ ಔನ್ ಅವರು ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮಾರ್ಕೋ ರುಬಿಯೊ ಅವರೊಂದಿಗೆ ದೂರವಾಣಿ ಮೂಲಕ ಮಾತುಕತೆ ನಡೆಸಿದ್ದು, ಕದನ ವಿರಾಮ ಸಾಧನೆಯ ಸಾಧ್ಯತೆ ಕುರಿತು ಚರ್ಚಿಸಿದ್ದಾರೆ ಎಂದು ಮೂಲಗಳು ತಿಳಿಸಿವೆ. ಇದರಿಂದ ಶಾಂತಿ ಪ್ರಯತ್ನಗಳಿಗೆ ಉತ್ತೇಜನ ಸಿಗುತ್ತಿದೆ ಎನ್ನಲಾಗಿದೆ.