ರಾಜ್ಯದಲ್ಲಿ ಹೆಚ್ಚಳಗೊಂಡ ಸಾಂಕ್ರಾಮಿಕ ರೋಗಗಳು: ನಿನ್ನೆ ಇನ್ಫ್ಲುಯೆನ್ಸಕ್ಕೆ ಚಿಕಿತ್ಸೆ ಪಡೆದವರು 13,025 ಮಂದಿ ಜನರು

ತಿರುವನಂತಪುರಂ: ರಾಜ್ಯವು ಸಾಂಕ್ರಾಮಿಕ ರೋಗದ ಭೀತಿಯಲ್ಲಿದೆ. ನಿನ್ನೆ ಇನ್ಫ್ಲುಯೆನ್ಸದಿಂದಾಗಿ 13,025 ಜನರು ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆದರು. ನಿನ್ನೆ ಮಾತ್ರ ನಾಲ್ವರಲ್ಲಿ ಶಿಗೆಲ್ಲ ದೃಢಪಟ್ಟಿದೆ. 

ನಿನ್ನೆ ಡೆಂಗ್ಯೂ ಜ್ವರದಿಂದ ಒಂದು ಮತ್ತು ಇಲಿಜ್ವರದಿಂದ ಒಂದು ಸಾವು ವರದಿಯಾಗಿದೆ. ನಿನ್ನೆ 134 ಜನರಲ್ಲಿ ಡೆಂಗ್ಯೂ ಜ್ವರ ದೃಢಪಟ್ಟಿದೆ. ರಾಜ್ಯದಲ್ಲಿ ಶಿಗೆಲ್ಲ ಹರಡುವಿಕೆಯ ಅಂಕಿಅಂಶಗಳು ಸಹ ಆತಂಕಕಾರಿಯಾಗಿದೆ. ಈ ತಿಂಗಳು ಇಲ್ಲಿಯವರೆಗೆ 38 ಜನರಲ್ಲಿ ಶಿಗೆಲ್ಲ ದೃಢಪಟ್ಟಿದೆ.

ರಾಜ್ಯದಲ್ಲಿ ನಿನ್ನೆ ನಾಲ್ವರಲ್ಲಿ ಶಿಗೆಲ್ಲ ದೃಢಪಟ್ಟಿದೆ. ಜಿಲ್ಲಾವಾರು ಅಂಕಿಅಂಶಗಳು ಮಲಪ್ಪುರಂ 2, ಕೋಝಿಕ್ಕೋಡ್ 1 ಮತ್ತು ವಯನಾಡ್ -1. ಕಳೆದ 6 ತಿಂಗಳಲ್ಲಿ ಶಿಗೆಲ್ಲದಿಂದ 2 ಸಾವುಗಳು ವರದಿಯಾಗಿವೆ. ನಿನ್ನೆ 11 ಜನರಿಗೆ ಲೆಪೆÇ್ಟಸ್ಪೈರೋಸಿಸ್ ಮತ್ತು 3 ಜನರಿಗೆ ಮಲೇರಿಯಾ ಇರುವುದು ದೃಢಪಟ್ಟಿದೆ.

ಮಲಪ್ಪುರಂನಲ್ಲಿ 2495 ಮಂದಿ ಜನರು ಸಾಂಕ್ರಾಮಿಕ ರೋಗಗಳಿಂದಾಗಿ ಆಸ್ಪತ್ರೆಗಳಲ್ಲಿ ಚಿಕಿತ್ಸೆ ಪಡೆದಿದ್ದಾರೆ. ಬುಧವಾರ, 72 ಜನರಿಗೆ ಡೆಂಗ್ಯೂ ಜ್ವರ, 13 ಜನರಿಗೆ ಲೆಪೆÇ್ಟಸ್ಪೈರೋಸಿಸ್, ನಾಲ್ವರಿಗೆ ಮಲೇರಿಯಾ ಮತ್ತು ಏಳು ಜನರಿಗೆ ಶಿಗೆಲ್ಲ ಇರುವುದು ದೃಢಪಟ್ಟಿದೆ. ಮಂಗಳವಾರ, 10 ಜನರಿಗೆ ಶಿಗೆಲ್ಲ ಇರುವುದು ದೃಢಪಟ್ಟಿದೆ.

ಏತನ್ಮಧ್ಯೆ, ಕೋಝಿಕ್ಕೋಡ್‍ನಲ್ಲಿ ನಿಪಾ ಇರುವುದು ದೃಢಪಟ್ಟ 43 ವರ್ಷದ ವ್ಯಕ್ತಿಯ ಆರೋಗ್ಯ ಸ್ಥಿತಿ ಗಂಭೀರವಾಗಿದೆ. ರೋಗಿಯನ್ನು ಐಸೋಲೇಷನ್ ವಾರ್ಡ್‍ನಲ್ಲಿ ವೆಂಟಿಲೇಟರ್‍ನಲ್ಲಿ ಚಿಕಿತ್ಸೆ ನೀಡಲಾಗುತ್ತಿದೆ. ರೋಗಿಯ ಮಾರ್ಗ ನಕ್ಷೆಯನ್ನು ಆರೋಗ್ಯ ಇಲಾಖೆ ನಿನ್ನೆ ಬಿಡುಗಡೆ ಮಾಡಿದೆ. ಮೇ 30 ರಿಂದ ಜೂನ್ 10 ರವರೆಗಿನ ರೋಗಿಯ ಪ್ರಯಾಣ ಮಾರ್ಗವನ್ನು ಬಿಡುಗಡೆ ಮಾಡಲಾಗಿದೆ.