ಕಳಿಯೂರು ಶಾಲೆಯಲ್ಲಿ ವಿಶ್ವಪರಿಸರ ದಿನಾಚರಣೆ, ಸಸಿ ವಿತರಣೆ

ಮಂಜೇಶ್ವರ: ವರ್ಕಾಡಿ ಕಳಿಯೂರು ಸಂತ ಜೋಸೆಫ್ ಅನುದಾನಿತ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ವಿಶ್ವ ಪರಿಸರ ದಿನವನ್ನು ಆಚರಿಸಲಾಯಿತು. ಕಾಸರಗೋಡು ಜಿಲ್ಲಾ ಪಂಚಾಯಿತಿ  ಸದಸ್ಯ  ಹರ್ಷಾದ್ ವರ್ಕಾಡಿ ಸಮಾಂಭ ಉದ್ಘಾಟಿಸಿ ಪರಿಸರ ದಿನದ ಸಂದೇಶ ನೀಡಿದರು.

ಮಂಜೇಶ್ವರ ಬ್ಲಾಕ್ ಪಂಚಾಯಿತಿ ಉಪಾಧ್ಯಕ್ಷೆ  ಕಮಲಾಕ್ಷಿ, ಮೀಂಜ ಗ್ರಾಮ ಪಂಚಾಯಿತಿ  ಸದಸ್ಯೆ  ಸೌಮ್ಯ, ಶಾಲಾ ರಕ್ಷಕ ಶಿಕ್ಷಕ ಸಂಘದ ಅಧ್ಯಕ್ಷ  ಜಯಪ್ರಕಾಶ್ ಡಿ ಸೋಜಾ, ಮಾತೃ ಸಂಘದ ಅಧ್ಯಕ್ಷೆ  ಸುಜಾತ, ಶಾಲಾ ಬೆಂಬಲ ಸಮಿತಿ ಅಧ್ಯಕ್ಷ  ಕಿಶೋರ್, ಶಾಲಾ ಹಳೆ ವಿದ್ಯಾರ್ಥಿ ಸಂಘದ ಕೋಶಾಧಿಕಾರಿ ನಿವೃತ್ತ ಶಿಕ್ಷಕ  ಶ್ರೀಪತಿ ರಾವ್ ಮತ್ತು ಶಾಲಾ ಮುಖ್ಯ ಶಿಕ್ಷಕಿ  ಸುಜಾತ ಟಿ.ಎಮ್ ಉಪಸ್ಥಿತರಿದ್ದರು. ಕಾರ್ಯಕ್ರಮದ ಅಂಗವಾಗಿ ಜಿಲ್ಲಾ ಪಂಚಾಯಿತಿ  ವತಿಯಿಂದ ಮಕ್ಕಳಿಗೆ ಸಸಿ ವಿತರಿಸಲಾಯಿತು.

ರೆನಿಟಾ ಡಿ ಸೋಜಾ ಸ್ವಾಗತಿಸಿದರು. ಶಿಕ್ಷಕಿ ಉಷಾ ಕುಮಾರಿ ಕಾರ್ಯಕ್ರಮ ನಿರೂಪಿಸಿದರು.  ಶಿಕ್ಷಕಿ ಸುನೀತಾ ಕ್ರಾಸ್ತಾ ವಂದಿಸಿದರು.